اليوم جبتلكم طريقتي في تنظيف بشرة وجهي اسبوعيا
والنتيجة جد مرضية كي نداوم عليها
اولا
تنظيف الوجه
نستعمل صابون من ماركة touch me
جربت تاع الحلزون
الخيار
الرمان
وكاين بزاف انواع ولكامل انواع ومشاكل البشرة
ثانيا
البخار
ندير ماء يغلي ونبخر بيه وجهي
خطرات نزيد للماء بعض من اوراق النعناع
ثالثا
التقشير
نستعمل مقشر المشمش من callibelle
نعمل تقشير بحركات دائرية ومنبعد نغسل وجهي
رابعا
الماسك
ندير ماسك الطين (الطفل) نلمو بماء ورد او القارص لانو بشرتي دهنية
واللي بشرتها حساسة دير ماء ورد
ونخليه على بشرتي حوالي نصف ساعة حتى ينشف
نغسلو بالماء البارد باش تنغلق المسامات
ونمسح وجهي بقطن فيه ماء ورد
والصابون نبقى نغسل بيه يوميا لانو هو اللي عندو دور كبير في ازالة الحب والتبييض
النتيجة اللي نتحصل عليها كي نتبع هاذي الطريقة اسبوعيا
صفاء الوجه من الحبوب والاثار
البياض
النعومة
التخلص من النقط السوداء
اي استفسار انا في الخدمة
شكرا لك أختي لمشاركتنا بتجربتك الخاصة
ربي يحفظك
يعطيك الصحة
أنا نستعمل صابون SURGRAS
URIAGE
sans savon
عندي قريب 5 سنين دوك ملي راني نستعملو و خرج عليا بزاف
شكــــــــــــــرا على الموضوع
