السلام عليكم ورحمة الله تعالى وبركاته واسعد الله اوقاتكم بكل خير
وبعد
اليوم الثلج والبرد حبيت اندير السوفلي اخرجت لكوشتي انطل اعليها القيتها اتغطات بالثلج
امالا قررت انديرو في الطاجين
مانكذبش اعليكم اخرج اخفيف او احسن من تاع الكوشة او ماايثقل مايتشبع
اليكن الصور:
هاذي العجينة وهي عبارة عن 8ملاعق كبيرة زيت ملعقة ممتلئة زبدة ملعقة ونصف كبيرة خميرة الخبز 600 غ فرينة ملعقة صغيرة سكرة ونصف ملعقة صغيرة ملح وكاس ماء دافي نعجن الكل في العجانة او بيدك نتركها ترتاح الى ان تتخمر ونجهز الحشو
انت ومقدرتك انا درت ارز مع الطن والبيض والزيتون الاخضر المقطع والجبن
هنا افتحت العجينة ارقيق بزاف لانو تختمر واحشيتها بما عندي
هنا سخنت الطاجين او نقصتلو على نار هادية اطيب الخبيزات:
اغلقي الحواف جيدا بيديك لكي لاتنفتح
هنا بدات اطيب:
هنا طابت :
انتظر منكن دعوة خير واحلى تقييم واجمل التعليقات
فالوصفة حصريا لحواء الجزائر
مآشآء الله وصفة تشهي وتجوع فنص الليل لازم نجي ندير عندك تربص الطبخ
سلمت يداك ولك مني أحلى تقيم
من فضلك اختي ساعديني في تقييم المواضيع ما عرفتش هههههه
حبيت نسقسيك الطاجين لي طيبيتي فوقو تاع حديد ؟
نقدر نطيبو فوق تاع الطين ؟
كي راجل كي لمرة الحمد لله رانا في عطلة
بصحتكم ام عبد الرزاق.
كيفاش خدمتي الصوص تومات عندي مشكل معاها كي نحب ندير السوفلي وﻻ البيتزا
ابدعت والله ربي يدومها عليكم نعمة