ارجوا المساعدة 2024.

السلام عليكم ورحمة الله
المنتدى هايل ربي يعاونكم
حبيتكم تعاونوني في امر صديقتي حاب يخطبها واحد دركي هو خدام بعيد قالها تسكني مع يما حتى نكمل وهو بقالو 6 سنين المشكل يسكنو في الريف وعييت نقنعها بلي نورمال وهو انسان طيب مانيش حابتها تخسروا
ارجزكم افيدوني نقنعها راني عييت من الكلام اليوم نهدرو هدرة الغدوا تروح

السلام عليكم اختي ادا هي تحبوا وناويها للحلال تسكن معاه وكان في الجبل
انا اختي مزوجة دركي وراها عايشة مع والديه قالها اقعدي معاهم خاطرش
منقدرش نديك معايا.وراها عايشة بخير عليها وزاد عندها طفل وباقي10 سنين
باش يكمل خدمته.

لا حول و لا قوة الا بالله اختي اذا هي ماراهيش حابة خليها مادام ماهيش مقتنعة بيه الزواج مسؤولية و خاصة اذا كان غايب عليها راجلها و عايشة مع الاهل تاعو و الله ماساهلة و قوليلها تستخير و ربي يوفقها

فعلا يقول هناك اجر عند جمع شخصان بزواج لكن عن تراضى

ماشى اللحاح لانو غدوى ادا قبلت وتلقات مشاكل راح ترجع ليك تبكى ةتقلك انت لى ضغطتى عليا

وفى النهاية كلشى مكتوب حتى بنتى او بنت اختى نتمنالهم الخير ونتمنا نشوفهم فى ديارهم لكن دون ضغط او اللحاح

ربى يجيب يجيب لى فيه الخير

رأي متزيديش تحاوليها …. و إلا تحصل فيك مرة أخرى إذا فيه مشاكل لا سمح الله
بلاك هي متقدرش تعيش مع العايلة وتتحمل بعد زوجها عليها …
أما إذا كان على جال ساكن في الريف و هي بنت مدينة ..
فهذا ماشي مشكل …فأريافنا اصبحت تظاهي المدينة من حيث إمكانيات العيش…
فبيوتنا اصبحت مزودة بالكهرباء و الغاز و الماء و كل شيئ حتى النت …
و أنا اسكن في الريف و لا أجد اي إختلاف بينه و بين المدينة
الله يجيبلها ألي فيه الخير و جزاك الله خيرا على إهتمامك بها و الحرص على سعادتها

ربي يجيب لي فيه الخير يا ختي
تصلي وتدعي عسى الله ان يفرج عليها
وقولها متزربش روحها مطلبش لمستحيل طلب 6 سنين
تصبر وكلشي بالمكتوب وربي يجيب الخير

بارك الله فيكن على النصائح ربي خليكم ديما اخيات عزيزات على قلبي