السلام عليكم عندي قفطان تاع تصديرتي كبير عليا فالكمام وفالطول اما العرض عادي عندو خيوط ينقص بيهم
المهم نبلتولي مرت خويا بخيط السنارة في جيهة الكرش في عرسي بحيث تغطى بالمحزمة
اما ضرك راه في عامين محطوط غاضني وراهي قريب خطبت سلفتي مرت خويا قاتلي موديفي فيه كاين خياطات مشاء الله البارح رحت لخياطة ديتولها
عبرتلي الطول وقاتلي نقصلك جيهت الكرش ونخيط ونحدد تجي خدمة ملييحة
واليدين ثان قاتلي نقصلك ونديرلك ليزيبول اختي البراح داوستني قاتلي كشما شفتي قفطان يتقص
هبطلتي المورال بعدما درت امل قتلها خليه فيها نجح فيها خسر ياك راه عندو عامين مخبي فالفليزة 3 ملاين ونص والله غير تغيض
قولولي واش رايكم يا ذوات الخبرة والله راني غير شادة كرشي لا يخسر 
وقاتلي نخدمولك ب ثمانين الف
ادعولي ان شاء الله ميخسرش
حسب نوع القفطان و الخياطة و اذا طحتي في خياطة ماهرة تعرف تعدل فيه و مايبانش و تلبسيه خير ملي قاعد مخبي
ريحتيني ام ضياء الله يريحك دنيا وآخرة
شوفي ندى لازم تتأكدي من الخياطة إلى تخدم مليح و قص القفطان رجع شيئ عادي يتقص من جهة البطن و الظهر و بصفة دقيقة و لازم تكون الحزامة عريضة باش تخفي الخياطة و أنا شفتها بعيني و ما أمنتش مايبانش تماما و إذا ما كانتش فيه الخدمة من التحت فيه السفسفة دارة بيه عادي نفكو الخياطة نقصو و نعاودو نركبو السفيفة عادي و حظ سعيد رديلنا الخبر برك.
امال الغد الله يعطيك ما تتمناي ربي يحفظك
ريحتيني
ريحتيني
واه عندهم الحق خياتي امال وام ضياء انا ماما خياطة وقالتلك انت وزهرك مع الخياطة بصح قاتلك راهم يخدمو كلشي درك مكانش حاجة صعيبة القفطان راه يتنقص منو عادي بلا ماتخافي تكلي علي الله وانشاء الله يكون خير ورديلنا بالخبر
شكرا حبوبة ياسمين الله يسر امورك كيما راكي تسهلي عليا
اهلا ندى
ادا كانت خياطة ماهرة تقدر تنقصلك منو. انت شوفي هذه الخياطة ادا كانت عندها خبرة ومجربينها. عندي بنت خالي شرات قفطان جاها عريض وشوية طويل داتو للخياطة سقمتهولها رجع ماشاء الله تقولي شراتو هكداك
ادا كانت خياطة ماهرة تقدر تنقصلك منو. انت شوفي هذه الخياطة ادا كانت عندها خبرة ومجربينها. عندي بنت خالي شرات قفطان جاها عريض وشوية طويل داتو للخياطة سقمتهولها رجع ماشاء الله تقولي شراتو هكداك
الاخوات ذوات الخبرة كفاو و وفاو
موفقة حبيبتي
موفقة حبيبتي
جزاكي الله خيرا ام عبد الرحمان انا في الحقيقة منعرفهاش بعثوني ليها برك
روح وريحان شكرا ربي يحفظك
روح وريحان شكرا ربي يحفظك