السلام عليكن اخواتي واسعد الله اوقاتكن بكل خير
فكرة لطالما راودتني وهي
التعرف علي عادات وتقاليد الولايات ولايات وطننا الحبيب اي نعم نحن يجمعنا وطن واحد لكن لكل منا عاداته وتقاليده
وما شدني هاته الايام وتكرر علي مسامعي هاته الشعور عادتنا عادتنا
لذلك اردت فتح هذا الموضوع لنتعرف عن كثب ومن ناس مختلفة في شتي الولايات عن عاداتهم
فلا تبخلو علينا بتعريفنا بعاداتكن
واول ولاية اخترتها هي ولاية البليدة
ارجو من ناس البليدة تعرفينا بعاداتهن وتقاليدهن في الزفاف
اي كيف تكون الاحوال عندكن في الافراح
احكي لنا من يوم النظرة الشرعية الي يوم توديع العروس في بيتها
وماهي الامور التي يجب ان تجلب للعروس وماذا يعطون اهل العريس للعروس والعكس
اي نريد معايشة اعراسكن والتعرف عليها عن كثب
اتمني التفاعل مع الموضوع
المهم انا قبائلية مي تبعنا عادات البليدة و قبايل في نفس الوقت انا راجلي شافني عادي بعد حوالي اسبوع و نص رجعنا من السفر جا طلبني و بابا قبل و تخطبنا جابولي خاتم الشوف و براصلي كانو حادرين كامل لافامي و درنا عشاء و تعشاو لافامي تع راجلي يمام باباه و خياتي و نسابو ماشرطنا والوووو منو
بعد مدة من الخطبة جا الفيونساي درتو في لاصال لالا مريم الرجال عقدو ف الدار و جابولي التبق و خاتم الفيونساي و باغوغ و الصداق و تاني درنا عشاء مي ف الدار كي رجعنا تعشينا احنا في احنا غير لافامي تاعي و لافامي تع راجلي
و بعد مدة عقدنا العقد المدني عادي اهدالي غوغمات سامبل
و كي لحق العرس دارو العشاء الي جاو كامل لا فامي و الاقارب و الحباب و لي زامي جابولي مسوكية و بابا تاني شرا 2 كباش
و من بعد الكحضر تاعي في 9 جوان الي فات التصديرة تاعي في لاصال صهيب جاو خيات العريس برك 2 و المعازيم
و في19 اووت الي فات كان عرسي جاو داوني فيها دارلي لاليونص و راني متزوجة و خلاصت الحكاية
مختصر المفيد العادات تاوعنا
خاتم الشوفة و الهداية الي معاه ماشي شرط
الفيونساي خخاتم الفيونساي التبق و المهر و لابياس مونتي العقد الشرعي
العقد المدني هدايا الي معاه ماشي شرط
العشاااء يجيب الكبش ولا مسوكية و لا جاجة هههههههههههههه
المحضر تع العروس
و عرس العريس
الف مبروك عليكم لكن انسيتي ماقلتيناش كي جاو يماه اول مرة مديتولهم الحلوة او مديتولهم هدايا ولا لا لا؟او زيد كي رحتي لعندهم او قعدو معاك 2ولا ثلاثة انسا باتو في دار العريس انقولولهم القوادات او المونسات ايباتو او كي يرجعو ايمدولهم اهل العريس الحلويات والتمر والهدايا ولا لالا؟
اريد التفصيل
شكرا
مدينالهم الحلوة و تعشاااو و مدات ماما ل عجوزتي مصحف و سجادة انا كي رحت عروسة ديت لي كادو ل راجلي و ديت لي كادو ل عجوزتي و شيخي و لوساتي 2
هوما تاني اعطاوني دي كادو