السلام عليكم لبنات،
هذه أول مشاركة لي ، وان شاء الله تكون لي مشاركات أكثر 
، حبيت اليوم نوريلكم كيف أعتني ببشرتي في الشتاء، خصوصا و أن هذا الفصل تجف فيه البشرة و يلزمها ترطيب من نوع خاص، بالنبسة لبشرتي فهي مختلطة يعني لا دهنية لا جافة ومعرضة لحب الشباب…
نبدأ مع المواد اللي نستعملها
.
.
.
صباحا:
1- لغسيل الوجه ما نستعملش الصابون، نحسو قاسي على بشرتي، حتى الغسول ما نستعملوش، نستعمل الماء فقط و نحرك به بشرة وجهي ذهابا و إيابا بحركات دائرية، من بعد نمسح بفوطة نظيفة. الفائدة من هذا، أنو يبقي على الزيوت الطبيعية الموجودة بالبشرة و التي تحميها ضد الجفاف.
2- كريم الترطيب: بالنسبة لي، كريم الترطيب النهاري و لا الليلي كيفكيف ما نحس كاين فرق بينتهم، عن تجربة جربت الإثنين نحس عندهم نفس القوام، ممكن نكون غالطة، و هذا هو لوسيون الترطيب الخاص بي.
لوسيون ديرموفيفا فاتيكا للتفتيح، عدى عن رائحته المذهلة له خاصية ترطيب رائعة، و ما فيش زيوت يعني مكون معظمه من المياه، لي تكون بشرتها دهنية ومعرضة لحب الشباب يوالمها، تستعمله و هي مستراحة، و فيه خاصية التفتيح و توحيد لون البشرة. ( بالصح لازم يكون أصلي).
3- كريم الواقي من الشمس: مستراحة بزاف مع كريم فونيس،
نحسو خفيف على بشرتي و مداومة عليه منذ سنتين، نحسو فعال للغاية.
ليلا:
1- لغسيل الوجه: غسول كلين أند كلير الأزرق،
نستعمله كل يومين مرة.
2- الحليب، نحط كمية من الحليب في قطنة و نمسح بها وجهي جيدا، نتركه لفترة بسيطة حتى ينشف، من بعد نغسله، مميزاته يرطب البشرة و يفتح لونها و ينظف جيدا.
3- التونر: ماء الورد من أولاي، مع القطنة
نحط القليل في قطنة نمسح بها وجهي كامل ورقبتي ثم نخليه ينشف.
4- كريم الترطيب: نفس اللوسيون اللي استعملته في النهار نستعملو في الليل،لوسيون ديرموفيفا فاتيكا للتفتيح.
5- للشفاه: شفاهي دائما جافة ، لذلك يلزمها ترطيب عاليي، نستعمل،
مرطب من سنوناس،
و من بعد نزيد عليه القليل من غوج ماجيك
، فائدته أنو صباحا تنوضي بشفاه وردية ناعمة 
وخلاص 
هذا هو جدولي اليومي للعناية بالبشرة، ان شاء الله يكون عجبكم 
مشكورة موضوع مفيد
ومرحبا بيك بيننا