المقادير
500غ ماغرين لابال
كاس زيت ماش معمر (ناقص زوج صباع)
كاس سكر
4م ك مايزينة
افاني +2 خميرة +ملون حسب الرغبة
الفرينة
للتزيين
معجون
نواة كوكو
كاكاو
سكر ناعم +افاني لتعطير
التحضير
نمحر الزبدة جيدا ثم السكر وهكذا نضيف المكونات الزيت والمايزينة افاني والملون انا نفضل الاحمر والخميرة والفرينة حتى نتحصل على عجينة طرية .وناخذ قليل من العجينة ونبسطها على المائدة وتكون مرشوشة بالفرينة ونحل العجينة ونطبعا على شكل بيضوي انا الشكل المناسب لها راهي طرية وهشة بزاف هذا الشكل لاينكسربسهولة ونطيبها غير من لتحت وبعدما نكمل كامل العجينة نبدا في تحضير الدرسة الي راح نرمدها فيها وتلصق زوج حبات مع بعض حتى نكمل ونروح نوجد الدرسة وهي تأخذي مقلاة تكون غارقة وتحطي 6 م ك نواة كوكو +3 م ك كاكاو +3 م ك سكر +ملعقة افاني وتحطي المقلاة فوق النار وتبداي تخلطي بملعقة خشبية حتى تشوفي نواة كوكو ولات بنية وتفضلي يكون الكاكاو بني مسود تخرج بيه الحلوى مليحة وخليها تبرد وتنقصي في صحن وتمسكي الحبة وتطليها بالمعجون وتمريها على الدرسة وهكذا حتى تنتهي من جميع الحبات
ملاحظة لاتقلقي من الحلوى لزم تخليها تبرد في البلاط مليح راهي جد سهلة الانكسار ولكن النتيجة روعة طرية وجد هشة وبنينة الي عندها ياماها ولا عجوزتها تحبها ديرهالها هههههه راهي تذوب في الفم وتستهلش تمضغيها
نتمنى تجربوها وتدعيولي بالخير ياناس الخير والبركة ان شاء الله نكون راني وفيت في الشرح
من بصع خرجت عليها القطيفة تهبل وباينة بنينة تذوب في الفم
لعام لجاي بدليلها لاكولوغ نتاع القطيفة تبدل شوي مسكينة قطيفي قطيفة خلي نبدلو شوية ههههههههههههههههههه