نحتاجوبصلة كبيرة +2 حبات طماطم +1سنة ثوم +دبشة + كرافص+ملح وفلفل اسود +فلفل احمر +كصبر+ملعقة كبيرة طماطم مصبرة +شوية زيتون اخضر مغلي للبنة +نصف صدر دجاج +قطع من اللحم (من الضلع )+كفتة +حبة بيض +فريك (1ل من الماء نحتاجو نصف كاس من الفريك)
تحضير: في طنجرة حطي اللحم والدجاج (عندي طرف من رقبة الداند حطيتها معاهم )+التوابل +4 م كبار الزيت +م ك طماطم اخلطيهم مليح وحطيهم ليلة يباتو باش يتشربو التوابل وهذه هي سر البنة وكي تجي طيبي ارحي البصل والثوم والطماطم وحطيهم في الطنجرة وزيدي الدبشة والكرافص والزيتون حبات وقليهم مليح وبعدها امرقي بالماء السخون مقدار 2 كيسان خليهم مدة 10 د وبعدها امرقي ب1 ل من الماء اغلقي عليهم .
من جهة اخرى جيبي الكفتة ملحيها وزيديلها شوية فلفل اكحل وقطعيلها المعدنوس وكسريلها حبة بيض ولميها مليح وكوري منها كويرات صغيرة ,حطيهم في الثلاجة حتى يشدو رواحهم ويرتاحو .
كي تشوفي الدجاج واللحم طابو صفي المرقة وقطعي الزيتون الي دوائر رجعي المرقة فوق النار حتى مدة 5 د حتى تغلي وبعدها ارمي الفريك بعد ماتكوني غسلتيه وارمي حبات الكفتة وفي الاخير فتتي صدر الدجاج وارمي اللحم بعد ماتكوني طفيتي النار وقطعي فوقها الدبشة وتحبي تزيدي شويه تاع النعناع اليابس يمد طعمة هيلة اختياري
يعطيك الصحة
5الالف ا5 الف
يعطيك الصحة باينة لذاااذة ههه
وانتوما كيفاه تقولولها
باه ماتزيديش تحيري واش هي الدبشة ا هههههههههههههههههه ليك صورتها
الله يدوم اختي بصحتكم