كالعادة من مطبخي جبتلكم اليوم حلوى خفيفة بزاف و لذيذة تعرف بلمخاخ ان شاء الله جربوها و تعجبكم اليكم الطريقة
– سكر ناعم
من بعد نضيف الزبدة و نحك بين يدينا مليح و نبلل بالماء غير بالشوية حتى تولي لينا عجينة متماسكة نتركها على جهة مدة 20 د او اكثر ( انا وجدتها في صباح و خليتها في الثلاجة من بعد في المساء خرجتها من ثلاجة خليتها ريحت شوية و استخدمتها)
-على طاولة العمل نشكل كريات نحل الكرية على شكل مستطيل ثم نمررها في الة العجين رقم 6 لازم تتحصلي على سمك 1ملم
– ندي قطع القصب او الحديد نوضع القطعة على العجينة و نلف هذه العجينة مرة على القطعة و نقطع بالسكين و نضغط مليح باش ماتفتحش اثناء القلي نعيد العملية حتى نهاية العجين
– ندير الزيت تسخن مليح نقلي القطعة الاولى تكون على نار هادئة كي نشوفها نشفت أي طابت قبل ماتدي اللون الذهبي ننزعها من المقلاة و نخليها في صحن تبرد و ننتقل للقطعة 2 من بعد كي نشوفو بلي بردت القطعة 1 هنا ننزع قطعة الحديد او القصب و نعاود نرجعها للمقلاة تكمل طيابها من داخل حتى تتحمر ننزعها و نديرها في كسكاس و هكذا حتى نكمل مع البقية
– نحضر كريم باتيسيار ندي صحن نضرب فيه صفار+ سكر حتى يولي لونو فاتح نزيد النشاء و نخلط مليح من بعد نفرغ عليه الحليب يكون ساخن و نخلط بسرعة و نعاود نرجعوه للفرن و نبقى نحرك حتى تعقد لينا الكريمة نضيف لفاني في الاخير و نخلط بسرعة و نفرغ الكريمة في صحن و نخليها تبرد
نديرها في كيس حلواني باش تسهل لينا العملية و نعمر حلوى بالكريمة
– نزينها بالشوكولا المذابة مع الجوانب و شوية مكسرات و السكر الناعم و تقدم
الشكل النهائي
ملاحظات
قبولاتي لكن جميعا
خرجولك يشهو
بصحة عيدك و كل عام و انت و كل العائلة بالف خير
https://www.dzhawaa.com
شكرا
dirili tubsi w ba3thihuli fi had al3id hhhh 
kul 3am w anti b alaf alaf khir 
لازم يتعمرو الكريمة عند التقديم ولوكان تعمريهم قبل راح يتشربو من بلل الكريمة ومايعودوش مقرمشين
تقبلي ملاحظتي بكل روح رياضية مشششششششششششششكورة
لازم نشري الكورنيات هادو كعاد ماعنديش
ولازم نعملهم لانه الطريقة من عندك
شكرااا حبيبتي
+احلى تقييم لعيونك وجمال وصفاتك واضافاتك المتميزة
والاخت الي مدت ملاحظة
اكيد في محلها حبيبتي مشكورة
ام منذر-hananour – moonlight2016- hanen – amel- ام ايمان – ام اشواق-oum pissou
نشكرك حبيبتي حنان لاضافة الحلوى الى المجلة اول مرة اتصفحها رائعة جدا و مفيدة للمراة شكر جزيل لك
و بالنسبة للملاحظة التي اضافتها الاخت ام اشواق في محلهاو نسيت باش نشير لها في ملاحظتي نشكرها على الاشارة لها
