حلوة العصافير بعجينة الطابع 2024.

اليوم نهار الدراري عندي
درت حلوة الطابع و هوما مانسيتهمش درتلهم حقهم

المقادير

فرينة + كيلة سكر + كيلة زيت+ كيلة بيض + كيلة مايزينة+ زاست قارص + فاني + 1 كيس خميرة كيميائية.
للتزين صفار بيضة + سكر + فارميسال الشكولا.

الطريقة

الحاجة الاولى شعلي الفور وخليه يسخن
الحاجة الثانية غربلي الفرينة 3 مرات وخليها (كل ما غربلتي الفرينة كل ما القاطو جا خفيف و بنين)

خلطي البيض مع السكر مليح ، زيديلو الزيت، الزاست و لا فاني و خلطي .
زيديلهم المايزينة و خلطي و فالأخير زيدي غربلي الفرينة مع الخميرة و حطيها حتى تتحصلي على عجينة طرية.

صنعي منها حرابيش و شكليهم كيما في الصور عصافير و لا مسايس مضفورين.

دهنيها بصفار البيض و ذري عليها السكر

دخليها للفور حتى تحمار وخرجيها

و هاد الحلوة تنفع حتى ديريها لوليدك باش يديها معاه لحفلة القسم (آخر السنة) الجيريا

شكرا اختي جاك روعة

امممممممم انا كبيرة و سخفتني املا الطفال كي يصرالهم مشكورة حبيبتي

روعه يعطك الصحه

ههههههههههه دخلت زعما متأكده تندار بطابع خرجت باليد و كي شفت مولات الوصفه أسكت
مدبرة المنتدى و المخترعه صاحبة الطريقة الجد رائعة و مميزة الله يبارك حبيبتي ما شاء الله ياسعد زوجك و أولادك بيك ربي يحفظك و ينورك
عجبتني بزاف آكيد نجربه إن شاء الله و لك مني تقيييييم على التحفة

مشكووورة يا الغالية على الموضوع القيم
أضاء النور يومك
وأزاح القادر همك

تقبلي مروووري

ياي روعة انا نموت على الطابع واولادي كدالك عادة نخدم الاشكال بطابع لكن طيورك احلى سؤال من فضلك نقصتي الخميرة بالنسبة للكيل نتاعك كي لا تتخسر شكل العصافير ام انت تديري وحدة خمارة دائما عجبوني طيورك كثييييير انشاء اله نديرهم

دائما متميزة في ما تطرحينه الله لا يحرمنا منك
تخطينا نضييعو ههههههههههههههه

حلوة العصافير بعجينة الطابع 2024.

اترك تعليقاً إلغاء الرد