الحوت في الفران

الحوت في فران (السمك بالفرن)

السلام عليكم و رحمة الله و بركاته

اليوم درت واحد العشيوة ساهلة ماهلة و قلت ضروري معاكم حيت جات بنينة بزاف

اوى نبداو على بركة الله

بالنسبة للمقادير غادي نحتاجوا

الحوت ابيض + فلفلة + بطاطا + صوص مطيشة + ثومة +كمون + ابزار + تحميرة +ملح +عصير الحامض + ضامة ديال الثومة + الهريسة على حسب الذوق + زيتون احمر

غادي نطحنو الحوت مع الابزار كمون الثومة ملح و عصير الحامض و قزبر و معدنوس

و من بعد نكوروهم و حنا كنعصروهوم من الماء ديالهم و نديروهم في الثلاجة

كنجيبوا اللاطة الي غادي تدخل الفران و نديرو فيها البطاطا و الفلفلة مقطعين مربعات صغيرة

كنخلطو لاصوص ديالنا مع الابزار التحميرة شوية ديال زعفران ورقة سيدنا موسى قزبر و معدنوس شوية ديال الملحة ضومة ثومة و الهريسة و شوية ديال الزيت

نكبوها فوق البطاطا و الفلفلة و نديروا الكرات ديال الحوت و نزيدوا الزيتون ديالنا

و هاهي منين وجدات

قدمتها مع السلاطة و خبيز ديال اختي امنار الله يجازيها الجنة

طلع غزال و مبقاش كيخطاني

كنتمنى يعجبكم الطبق ديالي

دمتم في رعاية الله

مشكورة عالوصفة
بصحتكم

يممممم
واش هلديك الطابلة تشهي
مبصح هاديك الصوص تومات نخاف منها ديرلي حريق مانقدرلهاش ههههه

هههههههههه دمك خفيف متخافيش

اترك تعليقاً إلغاء الرد