ياخوات عندي بنت عمي متزوجة من رجل متزوج ومطلق وعنده 3 بنات مع الاولى وعندو ولد مع الثانية لهي بنت عمي وهي في عمرها 26 سنة وهو في عمروا 50 سنة تقريبا وهي تزوجاتوا برضاها رغم فارق السن بينهم
وكانوا باخير على خير وجابو ولد وبعد مرور 5 سنوات من زواجهم رهي تقول بلي راجلها حب يطلقها وكل مرة يقولها انتي طلبي طلاق يعني باتراضي وهي ماهيش عارفة واش دير انا قلتلها ماتطلبيش انتي طلاق باتراضي راكي تخسري حقوقك كامل وهي راهي تقول راه يهدد فيها يقولها ياتطلبي طلاق يانديرلك حاجة لتخليك تطلبي طلاق وحدك؟
هنا كفاش دير ممكن سمعتوا بحالة كما هذي في لحق قلتلها اسالي محامية وشوفي واش تقولك؟
لمهم هي ماتحب تحكي حتى لواحد غير ليا انا والكل من الاهل جايين مع راجلها مع انها تقول لحقيقة ومضلومة وزوجها كل مايشوف اهلها يعمل حالوا مليح معاها 
ممكن تنصحوها خبرت اهلها وقالولي لمشكل نحوسوا هو لطلقها مش هي لتطلب طلاق هو حب يعمل معاها كما زوجتوا الاولى
هي اذا طلبت طلاق باتراضي راهي تخسر بزاف وماعندهاش كفاش دير وولدها وين تعيشوا وهي حابة تدي ولدها وهو ماعندوش مانع
رايحة هي لي تعطيه قيمة المهر و لكن نفقة الطفل و بدل الايجار يبقى لها لانها هي الحاضنة
اما ادا طلب هو الطلاق و هي وافقت بالتراضي تبقى نفقة الطفل و كدا بدل الايجار و لكن ليس من حقها تعويض الطلاق التعسفي و العدة و في هاد الحلة هي الخاسرة و اعتقد راه باغي كما هاك
و الله اعلم ن هادي هي المعلومات المتوفرة عندي
لو كنت في مكانها نخليه كما هاك و ادا حب يطلق هو لي يرفع القضية و هي تدي حقوقها كاملة بالسيف عليه
ربي يفرج عليها انشاء الله
اسفة لا اعلم اختي
ربي يهديه و يسقم لحوال
وانا صراحة مانيش فاهمة الطلاق باتراضي هو هاك كما قلتلكم قالها انتي لرفعي الدعوة بلي راكي تحوسي تطلقي مني
هذا والف الزواج
تروح عند المحامي
على كل حال الامورهذي لازم تسند الى اهلها كيما قالوا اخواتي محامي يفهم في المسائل هذه بحيث تحفظ حقوقها وتاني
مفتي يوجهها لمافيه صلاحها والله المستعان
قولها اياك تطلبي الطلاق بتراضي متدي والو تخرجي 0
من الأفضل تسقسي محامية
ربي يفرج عليها