كيف كانت نتائج الامتحانات ؟؟؟؟؟؟؟؟ 2024.

بعد التعب اللي تعبناه مع اولادنا حبيت نقولو لبعضانا على النتائج والمعدلات وان شاء الله نديرو التنافس اللي ماجبلهاش وليدها ولا بنتها المرة الجايه نخلفوها يارب يالله نبداو ومن بعد نقولكم على معدلات ولاادي لكن نتمنى الصراحه

شكرا يا دنيا موضوع جميل وراني فرحانة كي دخلت راني راسلتك وما رديتيش المهم انك بخير وبالنسبة لبناتي معدلاتهم كالتالي كاين اللي جابت 12تاع القسم النهائي

اللي تقرا في السنة الثالثة متوسط جابت امتياز 17.73
اللي تقرا في السنة الخامسة جابت
7.98

مشكورة ام وسيم الله يبارك ويحفظلهملك يارب ويوفقهم للامام انا حبيبتي راني شوي ماعنديش الوقت كيما قبل على بيها دخولي راه قليل .المهم وليدي الرابعه جاب الله يبارك9.58 والطفله سنة اولى مع انها 5سنوات ودخلت متوخرة جابت 8.75

الله يبارك على ولادكم وربي يحفظهم من العين
أنا بنتي سنة 3 متوسط جابت 16.26
وليدي سنة ثالثة ابتدائي 8.44
ربي يحفظهم فرحوني ربي يفرحهم دنيا وآخرة مع ولادكم ان شاء الله

ربي يحفظ اولادكم من العين ويوفقهم الى ما هو خير والنتائج رائعة يا دنيا وام عبد الجليل شكراااااااااااااااااااااااااااااا

الله ايبارك مشاء الله على اولادكم انشاء الله مزيد من النجاح والتوفيق
وياربي ايوفق المقبليين على شهادة البكالوريا وشهادة التعليم المتوسط
انا بنتي جابت خلي كي نتزوج و كي تزييد وتدخل تقرا باذن الله نقوللكم
مع تمنياتي لاولادكم مزيد من النجاح والتألق

السلام عليكم
انا تاني حبيت نشارك معاكم فرحتي والله يبارك على اولادكم ويحفضهم ربي
والمزيدمن التوفيق والنجاح
انا عندي ولدي دائما هو الاول وجاب في القسم اعلى معدل8.75يدرس السنة الخامسة ابتدائي
وعندي طفلة تدرس السنة الاخيرة متوسط جابت المعدل 13.50