كاين مشكل صعيب بزاف فالكوزينة و أغلب النساء يرمو ملابسهم على جاله
تكون الوحدة فينا مثلا تقلي بطاطا أو بادنجان أو أي شيء و يترش عليها الزيت على فستانها !!
ماتقوليليش خلاص ضاعت روبتي 
و نبغيها بزاف و مكان حتى حل 
ماعليك غير أنك دايما تكون عندك علبة طالك أطفال فالدار
على بالي طولت عليك
و انتي روبتك عزيزة عليك و تحوسي تنظفيها من الزيت 
تبعي معايا و ان شاء الله ربي يوفقك 
تحطي لباس تاعك فوق طاولة و ترشي الطالك الاطفال فوق بقع الزيوت ، ثم تجيبي قطعة قماش بورقي او بوبلين و تعطي بيها الطالك _ تجيبي الحداد و تكويها ( تحديها )
حتى تسخن مليح لمدة 3 دقائق
أنفضي الغبرة تع الطالك و كرري العملية مرة أخرى اذا كان الزيت طايل فالروبة
و هكدا تكوني خلصتي العملية انفضي اللباس تاعك و غسليه و لما ينشف
ما راح تلقاي حتى طاشة تع زيت
و يا رب ان شاء الله نكون أفدتك أختي
هذا المشكل كاين عند جارتي وراتلي عبايتها تاع الشتاء غير كيما شرلتها ودفقت عليها زيت نواة كوكو والله مشكورة كي ترجع من دارهم نخبرها
و هكدا نكسبوا أجر و ثواب كي نمدوا كل واش لي نعرفوا
و رديلي الخبر