ادخلو ا شوفو كوزينة دنيا لجديده

لطلب من ام محمد امين ووعدتها بلي نصورلها الكوزينة
للعلم راني وسعت فيها كانت كوزينة صغيرة وحوش صغير وقبل رمضان بيوم كانو عندي الخدامة يعني مازال ماكملتهاش ههههههه ماتضحكوش على ليزار ليفوق الباب راني مغطيه على الشمس مازال راجلي ماكملش الباقي باش يركبلي الريدوات المهم راني مازال ماكملتش حتى البيبان الجدد مازالو ماوجدناهمش

يلا قولولي رايكم واعطيوني دبايركم وملاحظاتكم

التصاور ماقلوبين مانعرف علاش مع انهم عندي نورمال

الله يبارك بالصحة والبركة ليييكم
ان شاء الله تطيبي احسن اكلات فيها
ربي يهنيييك غاليتي

ويهني اخت ساجده ربي يحفظك

الظاهر ماعجبتكمش

بالهنا والصحة اختي دنيا
ربي يجعلها عليك عامرة بالخير
والله روعة

روعة اختي دنيا تتهني بيها و فيها هههههههههههه عجبتني فكرة لكويزنيار كيينيت و قفلتي عليه هكا والو ما يخمج و ما يطير لا زيت لاحتشي كلش لداخل
بصحتك

شكرا مون لايت وام ميمونه وزهرة الاميرة شكرا لردودكن الباهيه
الكوزينيار اناحبيت هكا على جال الطيران هههههههه كيما قلتي عليه مازالي غاسبيراتار وتتعدل هههههههههه

الله يباااااااااااااارك تهبل مشاء الله النقاء والديكور وتناسق الالوان
مشاء الله عليك يا الفحلة ربي يحفظك وهنيك ويبعد عليك العين