مساعدة من خبيرات الحلويات 2024.

حبيت ندير بيسكوي رولي وحبيت كريمة من غير كريمة الزبدة فكرت نعمل كريم موسلين لكن لا ادري ان كانت تصلح للبسكوي رولي ام لا انصحوني خبيرات الحلويات واذا كاين نوع آخر من الكريمة ياريت تمدوهالي
وغاناش الشيكولا من دون كريم فريش لي تعرفو ياريت تمدهولي مشكورات حبيباتي

اختي نوالو على بالي انت اول وحدة راح تردي

السلام عليكم اختي اولا انا لاخبيرة لاوالو غير كنتعلمو وصافي هههههه.
ممكن تعملي كريم موسلين بالصح يقدر ينشف ليك واذا كان خفيف رايح يخرج من الكيك احسن شيء عملي كريم الزبدة وخلطيها مع شوية كريم باتيسيير كيجي هايل وخفيف احسن من كريم الزبدة وحدو وعملي لاغوم اللي تحبي ياقهوة يا شوكولا….كما ممكن تعمريه غير بالمربى وكيجي رائع
اما بخصوص القاناش بدون كريم فريش ممكن تعمليه بالحليب ماشي شرط بالكريم استعملي 200غ من الشوكولا السوداء مع 50 غ زبدة و120ملل حليب اتمنى نكون افدتك اختي.

شفتي شفتي نوالو فشتها فحنكي
مشكورة حبيبتي ربي يعطيك ما تتمناي

لا لا اكيد دروك ترجع نوالو تزيد تقولك حاجات تفيدك غير صبري

حبيبتي ميرال انا لست من الخبيرات انشاء الله الخبيرات يساعدوك اكتر لكن نعاونك شوية قيس ما نعرف ……..كي عاد ماكيش حابة كريمة الزبدة ديري لكرام شانتي و لا كرام باتيسيير و لا المعجون …….. بالنسبة للقناش انا نستعمله و يخرجلي هايل بلا لكرام فراش في حمام مائي دوبي الشيكولة نتاعك و مباعد زيدي عليها علبة ياؤورت نتاع الشيكولة او دانيت لازم ذوق الشوكولة و خلطي مليح حتى تصبح ناعمة و استعمليها و الله تخرج بنينة تهبل ………انشاء الله نكون افدتك و اي استفسار اساليني نعاونك اختي

هاذي عجبتني راح نجربها ممكن قاع نديرها في بلاصت الكريمة في السويس رول
برك تعيشي في شحال الكمية تاع الشيكولة ديري وحدة دانيت

شوفي انا ندير شوكولة منى ولا امباسادور علبالك منزيدلهم والو هيلة في علبة شوكولة ندير واحد دانيت

شكرا جزيلا حبيبتي ربي يعطيك ويمنيك حتى يرضيك

اختي imene mina هذا وين فهمت علاه اخترتي هاذ الاسم لانك تستعملي شيكولا mina صح ؟ههههههههههههههه فقتلك