بنات ساعدوني من محترفات الطبخ 2024.

شوفي حبيبتي هاذا الرابط راهو غني بالوصفات الجديدة
ادخلي وجدي للعيد (خيري و اختاري)…..
و ربي يرجعلك ماماك بخير و عافية و الله يجعلها عمرة مقبولة
و اذا ماساعدوكش قوليلي نحوسلك وصفات اخرى

السلام عليكم و رحمة الله تعالى و بركاته
كانت اخت حطت موضوع من قبل طلبت فيه انواع جديدة من الحلويات و كنت حطيتلها هذو نتمنى تستفادي
السلام عليكم و رحمة الله تعالى و بركاته
المقادير:
الكيلة المستعملة هي كاس نتاع 250مل
3كيلات فرينة
نصف كيلة نشاء
نصف كيلة سمن ذايب وبارد
صفار بيضة
رشة ملح،فاني ،م ص خميرة الحلوى
ماء+ماء الزهر
عسل وجلجلانية للتزيين
الطريقة:
نحط الفرينة مع النشاء ورشة ملح والفاني والخميرة والسمن الذايب والبارد ونفرك جيدا باليد ثم نضيف صفار البيضة ونفرك ومن الاحسن نسير الخليط في السيار هكذا نتاكدو ان ماكانش تكتلات وبعدها نلمها بالماء وماء الزهر حتى نتحصل على عجينة متماسكة نشكلها كويرات ونغطيها ونخليها ترتاح
https://
ناخذ كويرة نبسطها بالحلال ونرققها في الماشينة حتى الرقم ما قبل الاخير ومرة على مرة نرش شوية نشاء
https://
نطبقها كيما نعملو في العجينة المورقةالصور توضح اكثر
https://

https://

ونعاود نفوتها في الماشينة ونكرر نفس العملية وهذا لي يخلي القريوش مورق ويذوب في الفم
بعد ما نرققها نقطع بالجرارة مستطيلات كبار انا عملت العرض12سم ونقطع 24 خط بالجرارة ما تخلعوش ههههههه
https://
بعدها نحسب4 خطوط ونطبق
https://
ونكمل نحسب 4 خطوط ونطبق حتى نكمل ونتحصل على هذا الشكل
https://
نفتحها شوية في المنتصف
https://
ونقلب من الجهة العلوية فقط كما في الصورة
https://

https://
راح نتحصل على هذا الشكل هذي الطريقة الاولى
اما الطريقة الثانية
نطبق المستطيل على اثنان
https://

ثم نعاود نطبقو على اثنان ونعاود مرة ثالثة حتى نتحصل على الشكل السابق ونشكلو بنفس الخطوات
وكل ما نشكل حبة نغطيها حتى نكمل العجينة
بعدها نقليهم في زيت يكون سخون مليح والنار ناقصة ونقلي بالحبة وكل مانحط حبة نرمي عليها الزيت بالملعقة باه تتنفخ شوفو شكلها ما احلاه
https://
بعدها نحطهم يقطرو ويبردو ثم نعسلهم في عسل مسخن مع شوية ماء الزهر لازم يكون ثقيل شوية باه القريوش يبقى مقرمش ونزين بالجلجلانية محمصة

https://

شوفو شكلو رااائع والذوق اممممممممم

https://

سكندرانيات بشكل جديد

من حلوياتي لعيد الفطر 2024

الحلوى مأخودة من أحد المنتديات شكرا جزيلا لصاحبة الوصفة
فقط أنا غيرت في العجينة وإعتمدت عجينتي الخاصة
التي أستخدمها دائما في حلوياتي المعسلة
الوصفة من شرحي الخاص صاحبة الوصفة وضعت الشكل النهائي للحلوى فقط

الــــــــــــمــــقادير:

العجينة :

من جهة نحضر الحشو

نشكل كريات بحج حبة جوز نغطيها بفيلم غذائي
طريقة التشكيل :

على طاولة عمل مرشوشة بالفرينة نبسط العجينة بالحلال
ونمررها في الماكينة في الرقم 1 ، ثم في الرقم 3 ، ثم في الرقم 5 ،
وأخيرا في الرقم 7

نأخد صحن صغير نضع فيه ملون غذائي حسب الذوق أنا هنا إستخدمت اللون الأحمر
نحلله بماء الزهر
نجهز قوالب الدزيريات بهذا الشكل وندهنها بالزبدة

نأخد قطاعة حلويات مسننة مناسبة لحجم القوالب
ونغطس حوافها بهذا الشكل في المحلول الاحمر

ومباشرة نقطع دوائر

نلبس القوالب بدوائرالعجينة بهذا الشكل

ثم نأخد كرية من الحشو نضعها داخل القالب ونضغط عليها قليلا لتسوية السطح

نأخد قطاعة حلويات تكون صغيرة الحجم اصغر قطاعة مسننة
ونغطس حوافها في الحلول

ونقطع دوائر صغيرة

نجمع طرفي كل دائرة مع بعضهما بهذا الشكل

ثم نبدأ في التشكيل
نأخد القوالب المحشوة نعمل ثقب بواسطة عود اسنان في الوسط
ونثيت كل بتلة لوحدها

ثم نأخد قطاعة مسننة اكبر بقليل من التي استخدمنها في قطع البتلات
ونغطسها في المحلول الملون ونقطع هلال بهذا الشكل
ونلفه لتشكيل وردة

نزين الوسط بالوردة وهذا هو الشكل النهائي للحلوى

نترك الحلوى ترتاح على الاقل 4 ساعات
ثم نخبزها في فرن 160° لمدة 15 د إلى 20 دقيقة كحد أقصى
فور خروج الحلوى من الفرن نضعها في عسل دافئ مخفف بماء الزهر
لمرتين اي بعد وضعها المرة الاولى والإنتهاء من جميع القطع
نعيد تدفئة العسل ونضع القطع في العسل للمرة الثانية

نتركها فوق مصفاة لانزال الفائض من العسل
ثم نرشها بجزيئات لماعة ذهبية اللون وتقدم في صحون ورقية

مقادير العجينة:
3كيلات فرينة
كيلة الا ربع زبدة التوريق ذايبة وباردة
م ص فاني
ماء وماء الزهر نبلو به العجينة
مقادير الحشو:
2كيلات لوز مرحي رقيق
كيلة جوز مرحي رقيق
كيلة ناقصة شوية سكر
1م ص فاني
بيض على حسب كمية الحشو
التعسيل
كيلة شاربات
كيلة عسل اصطناعي
التزيين:
مكسرات
بياض بيض
الطريقة
نحضر العجينة بخلط المقادير السابقة لازم تكون طرية ومتماسكة كيما عجينة البقلاوة نغطيها بغلاف بلاستيكي ونخليها ترتاح 3 ساعات قبل الاستعمال
من جهة نحضر الحشو نخلط الجوز واللوز والفاني نخلط البيض وحده ونضيفو تدريجيا حتى نتحصل على عجينة ملساء لاتلتصق في اليدين وهذي خطوة مهمة تخلي الحشو ما يخرجش غطيه وخليه يرتاحساعات قبل الاستعمال

بعد ذلك نرش شوية ما يزينة ونمرر العجينة في الة العجين لازم تكون رقيقة تقريبا بسمك1مم
<A href="https://[url=https://up.top4top.net/][/url" rel=nofollow target=_blank>https://
نبسط الحشو بالحلال على ورق الزبدة بسمك 1 ونصف سم ونحط الحشو فوق العجينة المبسوطة
https://
ونغطي الحشو بعجينة اخرى مبسوطة
https://
بواسطة قطاعة نقطع دوائر انا استعملت قطاعة قطرها 4 ونصف سم
https://
ثم ننقشها بالنقاش لازم كل ما نعمل كمية ننقشها بسرعة لانك اذا طولتي تولي العجينة يابسة وكي تنقشيها تتقطع
https://
نغطس انواع المكسرات لي عندي في بياض البيض ونثبتهم في وسط الحلوى وممكن نعمل ازهار بالعجينة ونثبتها باللوز او الصنوبر

نحطها في بلاطو فوق ورق الزبدة ونغطيها ونخليها ترتاح 4ساعات اذا كانت درجة الحرارة عالية اما في الشتاء نخليها4ساعات
https://
بعد ذلك نطيبها في فرن على 150 درجة لازم تبقى بيضا من الاسفل ثم نشعل عليها من فوق غير شوية ما لازمش تحمار
بعد ذلك نحضر الشاربات بخلط كيلة سكر مع كيلة ونصف ماء نخليه يغلي على النار مدة15د لازم لون الشاربات يبقى ابيض ولما يطيبو نكيل كيلة شاربات وكيلة عسل اصطناعي ونحط حبات المشكلة فيهم ونحطها تقطر في الكسكاس
https://
بعد ذلك نحطها في لي كيسات
https://
وهذا شكلهم عن قرب
https://
لكن من الافضل ما تستعملوش اللي كيسات نتاع لي ناب لان الحلوى تلتصق انا انتبهت وحطيتهم في لي كيسات عادي
https://

مقادير العجينة:
250غ مرقرين،نصف كاس سكر رطب،2صفار بيض ونحتفظ بالبياض،نصف كاس كاوكاو محمص ومرحي رقيق،نصف كاس نشاء،نصف كاس كاكاو اسود،نصف باكي خميرة،فرينة
اما باقي المكونات:
بياض 2 بيض لي كنا احتفظنا بيه قبل،كاوكاو محمص ومرحي خشن،عسل، شكولة
الطريقة:
بواسطة الخلاط الكهربائي نخلط المرقرين والسكر جيدا ثم نضيف صفار البيض ونخلط ثم الكاوكاو المرحي رقيق ونحرك واخير الكاكاو والنشاء والخميرة والفرينة حتى نتحصل على عجينة تشبه عجينة الصابلي نشكل كويرات بحجم 20غ او اقل شوية نحطهم في بياض البيض ثم الكاوكاو المحمص والمرحي خشن ونحطهم في لي كيسات لازم يطيبو فيهم لاننا راح نعسلهم فيما بعد وهذا شكلهم قبل ما ندخلهم للفرن
https://
ندخلهم الفرن يطيبو على درجة180 درجة في هذا الوقت نسخن العسل ونضيف له شوية فقط من ماء الزهر لازم يكون خاثر بعد ما تطيب الحلوى نخرجها من الفرن ونسقيها تقريبا نعمل م ك عسل او اكثر في كل حبة على حسب الحجم لازم نسقيها مليح نخليها تبرد تمااااما ونزينها بخطوط الشكولة من الاحسن الخطوط تكون متقاربة تعطي شكل جميل للحلوى وهذا شكلها النهائي
https://

ملاحظة: هذه المقادير تعطينا 38 حبة
و هذا هو طابع السليكون اللي خدمت بيه الورود
مربعات صابلي البيمو
قاطو باهي ياسر وبنين
مقادير وطريقة التحضير نفسهم في هذي الوصفة

والاختلاف في اللصق بدل الكريمة استخدمت النوتيلا
والبسكوي استخدمت بيمو شوكولا

تلصق بالنوتيلا

ويملا الجويف ايضا بالنوتيلا

تغطي بالشوكولا المذوبة على حمام مائي

وتزين بشكل وردة من عجينة التزيين

وترش بالحبيبات البراقة

تتركك حتى تجف

هذو انا شخصيا ما جربتهمش

و راني جبتلكم حلويات الأخت ام كوثر اللي في الحقيقة انا ما سييتهم لكن خيري اللي يعجبك
ليصابلي
مقادير العجينة
رطل زبدة طرية وننصح دايما ب لابال
كاس سكر قلاص
4 صفار بيض
فاننيلا و1 خميرة حلويات
وفرينة حسب الحاجة
نخدم الزبدة والسكر جيدا ومن بعد نضيف الصفاروالفانيلا ونواصل الخلط ومن بعد نضيف الفرينة والخميرة حتى نتحصل على عجينة طرية
انا هنا ضفت 3 مغارف كبار كاكاوو للعجينة اختياري
الطريقة معروفة ومن الاسهل الفرد على قطعة بلاستيك للحفاظ على الشكل
نطيبوهم ونلصقوا الحبات بخليط معجون المشماش وحاوة الترك
ونغلفوهم بالشوكولا
طريقة صنع الورود
نلون عجينة التزيين وحدة بالابيض والاخرة بالوردي
ونحط كرة بيضاء فوقها كرة وردي ونمررها على الملمع الغدائي الرقيق

حلوة سورية اسمها المبرومة
تجي بنييينة وماتتشبعش
تتقدم للضيوف مع لاتاي وش نقلك هههههههه
هااااايلة
نخليكم مع الطريقة

نحتاج كميمة من المكسرات
هي نورمالمو بالفستق والبندق
او كل واحد وحده
انت ديري الموجود
انا استعملت لوز وكاجو

وهده ماركة القطايف

نفرش ورق المنيوم وندهنه بالزبدة

نحل القطايف من بعضها ونحطها على ورق الامنيوم ونرش عليها زبدة

نحط في الحاشية المكسرات

ونلوي ونضغط مليح

نغلقها ونديرها ربع ساعة في الكونجلاتوغ حتى تتماسك وتعطينا الشكل المرغوب

نخرجها ونسقيها بالزبدة لازم تتغطى

ندخلها تطيب في فرن سخون على درجة حرارة 180د
ونحمروها من فوق مليح
نخرجها ونعسلها وكل ماينزل منها العسل نزيد نصبو فوقها حتى تتشرب ملييييييح

بواسطة سكين منشار حاد نقطعها بالمائل

وتقدم

وهدي اشكال اخرى

الشامية هذي سييتها بنينة لكن ما تقطعلكش بزاف يعني إذا تحتاجي كمية كبيرة
اولا العجينة
4كيلات فرينة ونصف كيلة سمن دايب وباردوملح ونبل بماء زهر حتى نحصل على عجين متماسك نقسمه الى جزئين

الدرس الفارط عملتهم بالمشينة وهدا الدرس حبيت نعملهم بالرولو لتسهيل المهمة على الجميع
كل جزءمن العجين ندير منه 9 كرات صغار ونديرهم في ساشي ونخليهم يرتاحو اقل شيئ ربع ساعة

من بعد الطريقة واضحة
نحل الكرات ونرص 9 فوق بعض ونكتر بيناتهم النشاء ومن بعد نحلهم بالرولو حتى نحصل على قرصة كبيرة ورقيقة

نقطعها بهد المول المربع ونديرهم في ساشي باه ماينشفوش ونبدى العمل

كيلات مكسرات_النوع المتوفر عندك_ مع كيلة ناقصة شوية سكر مع 2مغارف زبدة او سمن دايب وفاني ونرشهم بماء زهر حتى يولي المزيج بهد الشكل نقدرو نكوروه

الباقي واضح

الجزء التاني من العجينة

هديطؤيقة الاساور او سيقار مكمشين

طبعا العجين اللي بقى من الحواشي مش رح نرميه

نعاود نعجنو بماء زهر ونخليه يرتاح ونكمل بيه العمل

بعد دلك نغمرو الحبات بالسمن ونطيبهم على نار هادية
وفور خروجهم نعسلهم ونزينهم بالبيستاش والملمع الغدائي

من مطبخي القطايف بلفة جديدة
نحتاج
قطايف
عسل وزبدة وبيستاش للتزيينوكريمة
الكريمة

كاس حليب ومغرف كبيرة نشاء وفاني ومغرف كبيرة سكر عاى النار حتى تخثار تبرد ونستعملها
نحطها في بداية الشريط ونلف ونحاول ندير شكل مثلث
كما نديرو السمبوسة

نسقيهم بالزبدة دايبة بحيث تتغطى كل القطايف
ونطيبهم وفور خروجهم نعسلهم ونزين بالبيستاش

المقادير
كيلو فرينة
2 خميرة كيميائية
250غ زبدة اي نوع دائبة
ملح و بيضة وماء زهر
نعجنها و نخليها ترتاح

المقادير
250 غ زبدة ، كاس سكر رطب، 2 حبات بيض ، فانيليا، ملعقة كبيرة خل ،نصف كاس نشاء ،
فرينة ، ملعقة صغيرة خميرة حلويات

التحضير
نخلط الزبدة جيدا مع السكر الرطب حتى يذوب السكر

ثم نضيف البيض والفانيلا

وعندما يدخل البيض مع الزبدة نضيف النشاء وملعقة الخل

واخيرا الفرينة والخميرة الكيميائية

الفرينة حسب الحاجة حتى نحصل على عجينة طرية متماسكة

نغطيها ونتركها ترتاح ربع ساعة وبعدها نشكل كويرات صغير ونضعها في القوالب الصغيرة
ونشكلها باليد كما موضح بالصورة ويجب ان لاتكون سميكة

نضعها في صينية الفرن ونثقبها بالشوكة حتى لا تنتفخ

وندخلها للفرن وان لاحظنا انتفاخ حبات منها يمكن تنزيلها باي حافة
فالحلوة لن تفسد بفتح الفرن لانها لاتحوي على كمية كبيرة من الخميرة
وما ان نلاحظ تغير لونها نخرجها
وهي سهلة النزع

للحشو نحتاج
كريمة شوكولا بلونين ( نوتيلا) ، وحبات بندق محمصة

عندما تبرد ناخذ حبة ونضع فيها النوتيلا البيضاء وفوقها حبة بندق

وحبة اخرى فيها باللون الاخر ونعمل على ايصاله الى الاطراف حتى تتسهل علينا اللصق

ونلصق كل حبتين مع بعض ونزين بقليل من الشوكولا ونصف حبة بندق

وهذا شكلهم النهائي