خواتاتي نطلب منكم مساعدة بطبق مميز للعشا يكون بالدجاج راها عندي دجاجة وراني نتفرج فيها 
راني حابة حاجة جديدة
عبودي راه مسافر بحوالي 250 كلم وحابة حاجة جديدة نفاجئو بيها ولو بسيطة كيفما كانت نتمنى يكونو مكوناتها عندي ماتجبدوليش غير الاكياس البلاستيكية علاخاطرش ماكايناش اصلا فولايتنا الحبيبة 
.
ايا شمرو على ذراعكم على الخامسة نبدا نطيب هههه راني رايحة نسيق دوركا ,
عين الرحمن ترعاكن ياغاليات .
نتمنى لبناات ايفيدوك
ياودي عمريها بالروز ولحم مرحي وتبليها مليح وحمريها راح تعجبه وريحي راسك هههههههههههههههههه
ايه وصنعي معاها كريمة الثوم ولكن انتي تكتري التوم حطي تلت سنيف كيما يقولو
ولو عندكم خبز سوري حطيها فوقه وجنبها سلة والكريمة وفريت والله راح يطير بك
مجرد مشاركتك تفرحني وكوني أكيدة انك رايحة تولي ماهرة لما تتزوجي
احتراماتي آنستي الكريمة ندوشة
والله غير حطيتي صبعك على الجرح
حتى انا كنت نحوس غسر على الساهل
ودرتي خيرك غير كمليه اشرحيلي بالتفصيل الممل الله يصبرك وغلقي الموضوع ولا خليه لنفيد بعضنا بأطباق الدجاج .
راه عندي الروز وعندي الكفتة غير آكتيفي .. وواش نزيد معاه فريتات؟ ههه
المهم غلي شوووووووووي روز اكيد وقلي لحم مع حبة بصل لو الاخضر راح يكون اطيب اكيد حتى يتقلاو وضيفيلهم الروز يكون طاب ومعدنوس وتوابل وتوم وملح اكيد
وجيبي الجاجة ادهنيها مليح بالزبدة تكوني مخلتها مع التوابل لو كان عندك كاتشب تكون احسن مكانش حطي فلفل احمر وادهنيها او معجون الطماطم تعطيها لون شباب وحطي توم حب في كل ركن من الدجاجة طبعا ومن بعد احشيها بالحشوة الي جهزتيها واقفليها حطيها في الصنية وحطي الزبدة تكفيها باه تطيب فيها وحي ربع حبة قارص من الداخل حتى يعطيها بنة مليحة
وخليها على نار هادئة احسن ديريها دورك قبل لا تسيقي وخليها مغطية بورق المنيوم حتى طيب مليح وخليها تتحمر
وكريمة التوم
حي في الروبو تلت حبة توم حبة نقصد سنيف وحبة بياض بيض وعصير ليمون نص حبة وبداي تضيفي مع الخلط اكيد زيت بنفس ريقة المايونيز حتى تعقد ضيفيلها ملعقة مايوناز وذرة فلفل يمييييييييييي
اما الخبز السوري انا نشريه بصراحة ونحط وحدة من تحت ونحط فوقها الدجاجة ونغطيها بخبزة اخرى بعدما ندهنهم بالهريسة ونقلي بطاطا تجي روعة
وغطيها في الاول وكي طيب مليح عريها ههههههههههههههه وحطي درجة الحرارة 140 خليها في غرضها مزال العشا تجيك عسل باه الزبدة تان ماتتحرقش لان متل ما قلت مانضيف ولا قطرة ماء انا
وبالعادة نضيف باطا بقشورها نغسلها مليييييييييييح ونقطعها على اربع ونحها طيب معاها ونح التوم بقشورها كي يطيب تقول معجون انا نحب التوم وزوجي انتي ديري الي يخرج عليك
سلامي للجميع وماعليش زيدوني لي غوسات راه كاين الدجاج
ههه
بصحتك خوخيتا تاكليه بالصحة والهنا عمري بصحتكم
ولو يوم واحد في حياتي
يصحتكم والله راسي فارغ حاليا
راني مع لا غريب انا والاولاد
كطيبي ابعثيلي
ماشني مطيبة
وعلاه عبودي خير مني
نعم اعلم هو خير مني
ربي يحفضهولك وتقرحي عن قريب وتفرحيه
منقدرش نشوف احد مواضيعك ومنطلش هههه
اختي هنا نور وام سرين وندى وكل من مرت من هنا لقد تم على بركة الله
هههه شكرا حبيبتي هناء وقد وضعت خلطتك السحرية من برا ومن داخل
من داخل اضافة على واش قلتيلي + النوخة و الزعتر
ومن برا درت كل الخلطات لي قلتيلي ذوبت شويا الزبدة وزدتها التوابل وماخليت كاتشاب ماخليت مايوناز ماخليت هههه كل الخيارات لي عطيتيني درتهم مرة وحدة وصدقيني جا ذوق ولون ممتاز .
نخليك مع صور استعجالية لان عبودي جا جيعان وكنت هاذاك وين طفيت عليها وصورتهالكم بالخف هههه
وهاهو تطبيقي ونشكركم للمرة ال 1000
سلطة بسيطة لان هنا نور قاتلي ماتكثريش ههههه
تحياتي وسأرد على البقية راني جاياتك أم سرين ههه