كيفاه ديروا خبز الدار في عيد الاضحى وغيره 2024.

جميل جدا oumpissou ، الله يبارك خبز روعة ، أعطينا الطريقة ، الأمر يهمني بزاف ، تسلم إيديك
بالنسبة لي الطريقة هي : سميد + زيت نبسوه بيه ، ثم نضيف الملح ، + ملعقة كبيرة خميرة الدار يُضاف إليها قليل من السكر، و نلموه بالماء الدافئ ، و نخليوه شوي طري ، يرتاح لمدة 5د ، ثم نعجنوه بالحليب ( كأس حليب) تقريبا ، و نحافظ على العجينة أثناء العجن من التقطيع ، يعني نعجنوا بدون تقطيع ، ثم نشكلها حسب القوالب تعنا ، و ندهنوها بصفار البيض المُضاف إليه قليل من القهوة ، نغطيوه بمناديل نظيفة حتى يطلع ، نعاودوا ندهنوه بصفار البيض ، و نضع فوقه الجلجلان ، و نطيبوه مباشرة .

انا خبز الدار تاعي كالاتي
سميد نحطلو السينوج والملح والخميرة والزيت (يجي شوية مبسس) ونلم بالماء الدافئ نحصل على عجينة تكون طرية شوية نحطها في كيس ونخليها يطلع حتى يتضاعف حجمها من بعد نعجن جيدا ونضيف بيضتين ونزيد نعجن من بعد نشكل دوائر ونخدمهم في بلا بسمك حوالي 2 سم ونخليهم يرتاحو مرة اخرى حوالي ربع ساعة ثم ندهن الوجه بخليط البيض والحليب او القهوة وندردر فوقه شوية سينوج وجنجلانية ونحطو يطيب

شاطرات شلطرات

احنا نديرو المطلوع نورمال ماش كما خبزكم تبانلي يجي حلو ؟

المهم و الطبق المميز تع يوم العيد هو التشيشة بالزعتز
وهو طبق جدتي الله يرحمها و رجعت ماما ديره و انا ان شاء الله نولي نديره ف داري

لا حبيبتي انا مايجيش حلو خبز عادي

صباح النور اختي انا طريقتي لخبز الدار وهي كالاتي2كيلات سميد كيلة فرينة شوي ملح وشوي سكر والخميرة
اولا نبسس الدقيق بالزبدة او المرغرين الذايبة \كي جربتو بالزبدة جا خير\ ومن بعد نحط باقي المقادير ونزيدلو عظمة نلمو بالماء الدافي ونخليه يطلع طبعا نغطيه بساشي باش يطلع مليح
كي يطلع نعجنو بماء الزهر وشوي حليب مليح حتى يولي طري ونزيد نخليه يطلع شوي كي يطلع نلمو بشوي زيت غير شوي
نسخن الفرن 180 د ومن بعد نقسمو يجيوني 2خبزات نحلهم في البلاطو ونطليهم بصفار البيض ونذر عليهم السنوج والجلجلانية كي يطلعو ندخلهم للفرن
والله يجيني كالبونج خفبف وبنين

ديروه فهاديك الصبيحة

شكـــــــــــــرا

راني نستفيد منكنّ

حنا نديرو كيما هدا في العيد الكبير نسموه البطبوط