اليوم خلاصلي القضيان مالدار وعندي طبيعة نحب نكمل كلش واش كاين فالدار با ش نزيد نشري مانحبشش التبدير بقاولي حبات طماطم بصل وشوي فرماج مرحي حرت واش ندير من بعد قررت ندير بيتزا
كانت بقاتلي شوي صوص البيتزا واجدة وباطة طون
قليت شوي بصل
قطعت الطماطم دوائر وقليتها
وكنت معتمدة عجينة العشر دقائق وكان عندي كتاب تاع المعجنات ولقيت وصفة لعجينة البيتزا قلت والله نبدل شويا لانو عجينة العشر دقائق اجي شوي حلوة وفيها الزيت بزاف وانا حامل ودايمن يجيني السكر فالحمل لدا خفتها وجربت هدي وجات هااااااااااااااااايلة كيما تاع بارا قلت والله نحطهالكوم للفائدة
المقادير
سبعة غرام اي حوالي مغرف كبيرة خمارة الخبز
نص مغرف ملح
نص مغرف سكر
كاس ماء دافئ
تنين كاس ونص فرينة
تنين مغرف زيت زيتون
تنين مفرف سميد رطب ( اختياري)
الخمارة و السكرو الماء في ماعون ونغطيها ونخليها حتى تطلع
في وعاء اخر غربلي الفرينة ونزيدلها الملح ونصع حفرة ونضيف خليط الخمارةونخلط ونعجنها حتى تولي متماسكة
انا درتها فالروبو ماشي البيتخا الي نرحيو فيه الميكسور وخليتها تتعجن حتى تماسكت وراهي واجدة تخدمي بيها قبالا وادا شكيتي خليها تزيد تخمر شويا انا معا السخانة خمرت داخل الميكسور عير اجبدتها حليتها وزينتها عادي الصوص تم الطماطم دوائر والبصل والتون والفورماج
وكنت مسخنة الفرن مقبل لازم يكون سخون وطيبتها عادي والله العجينة ماتتشبع خاصة ادا حليتوها رقيقة
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
وهدي لاول وحدة ترد
jatak ffooooooooooooooooort khir men ta3 bara
هههههههههههههههه قتلتيني بالدحك ليلاز شوفي والله بصحتك حنونة تحاسبك ويلا ماكفاتكش نزيد نطيب لختي والله ماخسارة فيك
شوفي نديرلك الكوراج راهي ساهلة عولي وشمري على يديك وديريها