السلام عليكم حبيباتي واش راكم cv نتمنى تكونو كامل بخير المهم بلا ما نطول عليكم راني جبت لكم اليوم الوصفة اللي نعتمدها في صنع البتي فولر وصدقوني اجي روعة مذاقو خفيف ويذوب في الغم نتمنى جربوه المقادير كالاتي 250غ مرغرين كاس سكر ناعم كاس مايزينة نصف كاس زيت بيضة كاملة +2صفار ساشي خميرة نوارة فرينة التحضير اولا لازم المرغرين والبيض اكونو بدرجة حرارة الغرفة وهدا مهم جدا نبدا ناخذ المرغرين نضيف لها السكر الناعم ونخدمهم مليح باليد حت يصبح كالمرهم ثم نضيف لها نص كاس زيت ونخدموهم مليح ايضا حت يبيض الخليط ونضيفو بعدها البيض ونحركو جيدا ثم نضيف كاس مايزينة ونخلط ايضا جيدا بعدها نضيف الفرينة +الخميرة وهنا انبهكن عزيزاتي الى امر مهم جدا وهو انو عجينة البتي فور لازم تكون ماشي يابسة يعني ضيفي الفرينة شوية شوية حتى تشوفيها تلمت فقط باش نديروها في الكيس الحلواني ويسهل العمل بيها ادا درتيها يابسة مستحيل تنجح لك وهدا هو السر في البتي فور يعني حاولي تكون العجينة طرية بزاف بزاف بعدما نديروها في كيس الحلواني نشكلو الاشكال اللي نحبوها انا درتها دوائر خرجت منا الورود المهم بعدما تعمري السنيوة دخليها للفور 200درجة لازم اكون سخون وكي تطيب خليها تبرد ولصقيها بالمعجون وزينيها بخطوط الشيكولا وذرذري فوقها السكر الناعم 
يعطيك الصحة
تسلم الايادي
أخذت الوصفة مريم
يعطيك الصحة ختي ☻
اليوم نجي مع لبنات نشربو عندك القهوة