حلوة النقاش بشكلين من تطبيقي 2024.

السلام عليكم ورحمة الله وبركاته .علابالي بلي الكل يعرف حلوة النقاش ويتفنن فيها بصح حبيت نوري لاخواتي العزيزات هاذين الشكلين(صبيعات النقاش ووردة النقاش) من باب التغير وكل وحدة دير الوصفة المعتمدة عندها ..ولي حبت الوصفة نتاعي تقولي راهي تجي هايلة ومجربتها عدة مرات…..اترككم مع الصور التوضيحية…

تعرفي ميمي جاوك هايلين يهبلو في شكل نتاعهم يبانو يذوبو فلفم بارك الله فيك و يعطيك الصحة
راني نستنى في لاغوسات نتاعك يومك مبارك ان شاء الله

الله يسلمك ويسعد نهارك اختي زهرة القرنفل اما الوصفة حبيبتي فهي-3كيلات فرينة -كيلا معمرة زبدة ذايبة وباردة-نص كيلا سكر قلاسي -صفار بيضة-مغرف صغيرة خميرة كيميائية-خليط من الحليب وماء الزهر-لازم تخلطي الفرينة +السكر+الخميرة+شوية فاني منبعد تفرغي الزبدة وتحكي مليح مليح مليح حتى تولي تشوفي في العجينة كي الزبدة منبعد خلطي الصفار مع شوية حليب وضفيه باش ما يحبببش في العجينة وبداي تفرغي في خليط الحليب وماء الزهر حتى تولي العجينة طرية ناكد على هذاتولي طرية مليح غطيها وخليها ترتاح على الاقل15د.وشكليها كيما تحبي وراهي مجربة وناجحة وانا مرات ندير بيها التشاراك العريان ..تحييييياتي

شكرا الله يخليك على التفاصيل في الوصفة ان شاء الله نجربها و نقولك

شكلها حلو كتير يسلمو ايديك حنونه

وصفة هايلة
ولقاطو خرجلك روعة
وشكل هداك نتاع الوردة ياخي الحشوة لي في نص برك مش محشي من الداخل

سمحيلي أختي ادا كثرت عليك
بصح حبيت نعرف الوصفة نتاع الحشوة نتاعك

أممممممممم يبان بلي يذوب في الفم
شكرا على الوصفة

شكل هايلة والطعم اكيد مليح
يعطيك الصحة

نورتو صفحتي اخواتي نور الياقوت ام ماريا الحلوة ام سرينflowerوشكرا للردود الجميلة والمشجعة..اما اختي flowerبالنسبة للحشو فانا درت الغرس وخلطتلو شوية كاوكاوفقط.ورانا هنا اختي باش نتعلمو من بعضانا.وتحبي اي سؤال اخر راني في الخدمة.