مقروط تلمسان

نأخذ 03 عبارات سميد متوسط+عبار زبدة ذائبة+جلجلان محمص+ملعقة صغيرة قرفة+شوية قرنفل+ماء الزهر ليكستري+بيضة واحدة+كأس سكر+حليب

نخلط السميد مع الزبدة حتى يترمل السميد و و نضيف السكر و القرفة والجلجلان و القرنفل و ماء الزهر قرة وحدة تكفي و البيض و نمزج جيدا و نضيف الحليب بقدر ما تجتمعلنا العجينة

نكون خبزة و نقطعها بالمرشم ديال المقروط و البقلاوة و نقليها في الزيت الساخن و نعسلها و شهية طيبة

الله يبارك باين يشهي بصح منحبش الجلجلان

هههههههه
كيما بغيتي تقدري ما ديريش جلجلان
أنا نحبو بالجلجلان
تقدري تحطي في وسطو القاوقاو أو اللوز على حسب الذوق

يعطيك الصحة……..نجربو إن شاء الله علاخطرش نموت على الجلجلان

امممممممممم شهيتيني يا جوهرة تلمسان باذن الله نجربه عندي الجلجلان وكل مقاديره انا الجلجلان نحبه حتى في الخبز نحطه هههههههههههههههههه عكس حنان

الله يعطيك الصحة جوهرة تلمسان
والشكل كيفاش يكون
وعندي ليك طلب كعك تلمسان بنين وحتى هو فيه الجلجلان ويجي قاصحوبنين
ياريت تكون عندك الطريقة أنا كل ما نمشي لتنلمسان نجيب معايا اللي يتباع في المحلات

شكراااااااااااا

شكرا لكن ويعطيكم الصحة

بالنسبة للكعك عندي كعك وجدة هدا لي موالفن نديروه في البيت سأكتبه لكن كموضوع

حبيبتي نحب المقروض ولكن اول مرة نسمع يديروه بالحليب احنا نديروه بالماء زهر تقبلي مروري على موضوعك الرائع ومجهودك الذي اقدره