البطاطا محبوبة الجميع وماكانش بيت جزائري يقدر يستغنى عليها في كل اي وقت
وجباتنا كلها تقريبا تعتمد على البطاطا اما مقلية او مشرشمة او مرحية
جبتلكم اليومين طبقين بالبطاطا
– غراتان البطاطا والدجاج والجبن
– كمونية بالبطاطا
– غراتان البطاطا والدجاج والجبن
المقادير
4 حبات بطاطا مقطعة دوائر رفيعة ومقلية
8 حبات من الفرماج
4 بيضات
ربطة دبشة مقطعة
للمرق
قطع دجاج + بصلة مكرفجة + حبتين ثوم + حمص مرنخ + توابل وملح + ماء للمرق
التحضير
حضري صوص بيضاء عادي قلي الدجاج مع البصل والثوم والحمص والتوابل وامرقي وخليها تطيب
صفي المرق
نحي الدجاج وفتتيه وخلطيه مع الحمص
من جهة اخرى تكوني قليتي البطاطا
ستفيها في بلاتو زجاجي طبقة بطبقة مع الدجاج والحمص
والمرق ضيفيلو البيض والجبن
وصبي الصوص على طبقات البطاطا
والى الفرن
تقدري ترابي الجبن من فوق فوق حسب الرغبة
خليه يطيب وكي يتحمر من فوق نحيه وقدميه
– كمونية بالبطاطا
المقادير
بطاطا مقطعة دوائر ومقلية او مشرشمة وقصيها دوائر وفي بلاتو الفرن المدهون ستفيها وخليها تتحمر
صوص الكمونية
les abas نتاع الدجاج او خروف حسب الرغبة
حمص مرنخ
بصلة مكرفجة + حبات ثوم + حبة طماطم + ملح وتوابل وكمون
التحضير
طيبي الصوص نتاعك عادي قلي البصل وles abas وامرقي بشوية وخليه يطيب
وقدميه مع البطاطا المقلية او المحمرة
وشهية طيبة للجميع
ننتظر المزييييد
جزاك الله خيرا على هذه الاطباق
شكرا لك
شكرا
شكرا للمرور الطيب