وعلاش الناس تحقد 2024.

السلام عليكم اخواتي عضوات المنتدى وعيدكم مبارك وكل عام وانتم بخير…..وبعد…قولولي ياناس واش من عالم رانا عايشين فيه الناس نسات المبادئ والصفاة الزينة..نسات عوايد الناس لكبار الي همهم الوحيد اتحاد العايلة والمحبة والتسامح وين راهم الصفاة الحميدة لي وصانا بيها رسولنا عليه الصلاة والسلام…واش نقولكم راني متصادفا ومشوكيا ومخلوعة وماشي مصدقة كامل انسان تغفري عليه في العيد يصدك ويرفض يردلك السلام ماشي تهبلي وعلاش؟؟:ذنبي الوحيد هوهذا الانسان راني ساكنة في بيت رغما عني وعنه واش ندير مهما كان الحال هذا عيد وسلفتي محملتني المسؤولية ليراني ساكنة في بيتها وماخجتلهاش من الدار ياك هذي مسؤولية الرجال ولا لالا المهم قولولي برك كاش وحدة صرالها كيفي ولوكان وحد في بلاصتي واش كانت راح الدير …..انتضر تفاعلكن

السلام عليك
صحة عيدك
شوفي يقولك نهار العيد كل واحد يسامح خوه
ننسى المشاكل و الهموم
أنت أديتي واجبك غافرتي المهم ربحت ربي و ربحتي حسنات و هما ربي يسهل عليهم لي بغات تسامح تسامح لي مبغاتش تسامح راه كاين رب يشوف
ربي يفرج عليك

مشكورة حبيبتي والله راني مجروحة وكلماتكم نحطها على جرحي يبرا تعيشي اختي منيني

مشكورة اختي احلام واش راح يخسر الواحد ياخ الكلام والفعل الطيب يزرع الحب في قلوب الناس ولكن واأسفا هي ينقصها هاد الاحساس

انت يا خيتي درتي اللي عليك وهي ربي يسامحها ويهديها
يجي نهار تندم فيه
ربي يرزقك السكن والسعادة

ربي يطيب خاطرك ختي لعزيزة

مشكورة اختي لعزيزة وربي يسعدك ان شاء الله

اييييه يا حنونة ماشي غير انت كاين ناس بزاف هكا حتى لو يسلمو دوك الزوج تسليمات شكلا فقط بلا معنى و روح و ما يهدرو والواو حتى يدعو بالمغفرة و الخير انا صراتلي مع بعض الاقارب الغيورين الحقودين لكن انا نقابل بالابتسامة و الضحك شغل ماعلاباليش بيكم تما يموتو بالغيظ في قلوبهم . ربي يهدينا كامل.