السلام عليكم غالياتي
جبتلكم اليوم حلوى ذوقها اكثر من رااااائع
بالنسبة للمقادير راح نعطيكم مقادير ل100 حبة طبعا ممكن نعمل نصف الكمية
المقادير:
كيلو فرينة،رطل مرقرين ذايبة وباردة،3 م ك سكر رطب،3 بيض،فاني ،باكي خميرة،ماء الزهر
الحشو:
250غ زبدة من الافضل فلوريال،250غ عسل،250 كاوكاو محمص ومرحي خشن،كمية من حلوة الترك
نحتاج ايضا الى شكولة ولي مول الخاصة بالسيقار
الطريقة:
نحط الفرينة والمرقرين الذايبة ونحرك بواسطة اليد حتى تتداخل المرقرين في الفرينة نضيف السكر والفاني والخميرة وتلم بالبيض وشوية ماء الزهر
نبسط العجينة بالحلال بسمك متوسط وبعرض 6سم
ونحطهم في البلاطو على الجهة لي غلقناه منها
ندخلهم للفرن يطيبو على درجة حرارة متوسطة
بعذ النضج نخليهم يبردو تماما وننزعهم من لي مول
نذوب الشكولة مع شوية فقط من الحليب على حمام مائي
ناخذ بلاطو نحط فوقه ورق الزبدة ومشبك نحط الحلوى فوق المشبك وبواسطة ملعقة نغطي السيقار بالشكولة والكمية لي تنزل من الشكولة نعاود نستعملها
بعد ما نكمل كل الحلوى نخليها تنشف تماما
في هذا الوقت نحضر الحشو
بواسطة الخلاط الكهربائي نخلط الزبدة مع العسل جيدا ثم نضيف الكاوكاو ونحرك وكمية من حلوة الترك والكمية نتاعها على حسب الذوق يعني لي يحب الحلاوة يكثر والعكس
نحط الحشو في كيس حلواني
نحشي حبات السيقار
نذوب الشكولة البيضاء فوق حمام مائي على نار هادئة ونحطها في كيس حلواني
نتمنى تجربوها لان ذوقها رهيييييب
ملاحظة
هذا الحلوى نحتفظ بها في الثلاجة لان الحشو فيه زبدة باه تبقى متماسكة
لاتنسوني غالياتي من صالح دعائكن ولكن بالمثل
في امان الله
منقووووووووووووووووووووووووووووووووووووول
يعطيك الصحة
بارك الله فيك حبيبتي
ممممممممممممممممممممم روووعه شهيتيني ههههه ربي يبارك فيك
والله شهيتينا لازم نجربوها باش نذوقو البنة
يعطيك الصحة يا الغالية