اليوم درت 2 حلوات هادي تاع المقلة و المادلان
المقادير
· العجينة:حبة بيض + قرصة ملح + 2 ملاعق صغيرة فاني + كاس حليب + نص كاس نشاء + نص كاس فرينة + مغيرفة صغيرة خميرة الحلوى .
· للتزين: عسيلة + جلجلان.
ضربي حبة بيض مع قرصة ملح و فاني مليح و مبعد زدتلها كاس حليب و زيدي ضربي
ضيفي نص كاس نشا و ضربي
غربلي نص كاس فرينة مع خميرة الحلوى و زديها للبيض و الحليب
ضربي مليح بالميكسور و خليها تريح واحد 4 سوايع (و كل ما خلتيها تريح كثر كل ما كان خير)
سخني الطابع مليح فالزيت (خدمت بزوج طوابع باش نكمل فيت فيت)و مبعد حطيه فالخليط بلا ما تغطسيه كامل
قليها فالزيت ، قطريها و عسليها ثم ذري عليها الجلجلان
نشالله يعجبوكم
المادلان راني درتلو موضوع وحدو
تعجبني بزاف هذي الحلوة شكرا جزيلا
هايلة نموت عليها وكنت نحوس على الغوسات الله يعكيط ماتتمناي حنونة
جربتها مرة مخرجتليش بصح هاد المرة نتمنى تخرجي ربي يخليك يا الغزالة
يعطيك الف صحة وعافية ام منذر
هذي الوصفة اول مرة نشوفها مشي معروفة عندنا في الغرب وحتى الطابع اول مرة نشوفه شكرا اختي على الوصفة
يعطيك العافية روعة ام منذر
شكرا ليك ام منذر
هذ الطابع جبتو معاي العام الى فات من وهرن و جربت القاطو بصح ماخرجليش شباب
راح نجرب طريقتك و نشوف
شكرا ليك مرة اخرى
يعطيك الصحة ام منذر جاتك هائلة
يعطيك الصحة ام منذر