والله استفسار محيرني [ روح العسل] 2024.

السلام عليكن و رحمة الله تعالى و بركاته .

حبيباتي عندي فترة و انا بالي مشغول بهاذ الامر و قلت نشاوركم فيه .

وهذا الامر بخصوص حبوب منع الحمل .
و حبيت نعرف ليجب عليا نشربها عند الزواج مباشرة و لا منشربهاش .

ماما راهي تقولي شربيها لاني حابة نكمل دراستي ( ماستر و كابا ) ، و مرانيش حابة نحمل باذن الله في العام الاول لاني لا استطيع الموافقة بين اشغال المنزل خاصة اني عروس جديدة و دراستي التي تدوم على الاقل سنتين و الحمل .

وفي المقابل كل مرة في النت نلقى اضرار حبوب منع الحمل في تاخير الحمل و العقم ..

والله محتارة اعينوني الله يخليكم .

أهلا حبيبتي ربي يزيل حيرتك
في الأول هذا موضوع لا تقررينه وحدك ولا حتى أمك يحق لها البث فيه …..مسألة الحمل تعنيك انت وزجك فقط فناقشا الأمر حتى تصلا الى اتفاق بينكما انتما الاثنين فقط
وبصراحة أنا لا أشجع تأخير الحمل في بداية الزواج مهما كان السبب أو المبرر وهذا رأيي الشخصي طبعا.

لالا حنونتي راني مشاوراته و متفقين في هذا الموضوع .
شكرا حبيبتي بنت سهوب .
منورة …

راني خايفة وقت لنحبس الحبوب و نكون حابة نحمل منقدرش خاصة راني نقرا في النت اضرار حبوب منع الحمل .
منيش عارفة للاضرار نتاعها كاين منها .
اعطوني رايكم يا متزوجات
لالا حنونتي رانامتافقين على هاذ الامر انا وزوجي ،
منورة ام ايه …

هبة الله هناك فرق كبير بين حالتك وحالة روح العسل فهي تريد تأخير الحمل لأكثر من سنة أما أنت فتريدين تأخير الدورة فقط….. لا أعتقد أنه مشكل كبير بالنسبة لك ويمكنك استشارة طبيبة فعندها الحل أكيد ولا داعي للخوف والقلق ….وربي يوفقك للخير

راي من راي الاخت بنت السهوب من الافضل ان تتفادي حبوب منع الحمل في عام الاول من زواجك
بامكانك استعمال طرق اخرى لمنع الحمل
نعرف وحدة شربت حبوب منع الحمل في عام لول قعدت 17 سنة مهزتش ……….