اخواتي والله قلبي وجعني من ضاهرة رمي الخبز الي شفتها فالبلاد
هل ممكن يوصل بينا الامر لحد رمي الخبز الي هو نعمة ربي
الخبز ولايطايش في كل مكان لدا حبيت نقترح خطوة ولو من باب اضعف الايمان لاننا كلنا مسؤولين امام الله
لدا قلت اي اخت عندها فكرة لكيفية استغلال الخبز الزايد عن الحاجة ونحتسب اجرها على الله
ارجو التفاعل من الاخوات ولو من باب الحسنة ووعينا بدورنا كمسلمين
رايحة نعطي بعض الاقتراحات ممكن تكون بسيطة لكن قد تنفع
اولا نحاول نشري الكمية اي تكفينا اي لاللتبدير
ادا بقانا خبز زايد ممكن نديرو في كيس ونحطو فالكونجال كي نسحقو نجبد ممكن تسخني الكوشة قليلا واطفيها وتخلي فيها الخبز يديكونجلالك بالخف وتقول تاع داك النهار اي جديد
ممكن نديرو سفيرية ورايحة نحط وصفة ممكن تعاونكوم
ارجو التفاعل باش نسترو نعمة ربي
كاين تاني كيكة بالخبز اليابس وتجي تهبل نقدره نرحيوه ونخبوه للدجاج
نقدره قبل لا ييبس نقطعوه ونحطوه في الحليب والبيض للاطفال والكبار ولكن ربي يهدينا
انا عندي طريقة جايبتها معايا من المغرب يسموها الرفيسة عمياء ونعملها سيرتو في البرد ولادي يحبوها بزاف منين يقعد لي الخبز نفتته ونفوره ونعمل ليه المرق بالعدس والفول اليابس بالبصل والطماطم والتوابل والحار وممكن تحطي معاه القديد الا كان متوفر او الخليع وتسقيه بالزيت الزيتون
وعندي طريقة اخرى نقطع خبز شرائح ونشمخ بالحليب ونقليه في الزيت ويتقدم مع القهوة
انا نخليه ييبس وندير بيه شابلير وولا الخبز المقلي ولا معقودة الخبز اليابس لاخت عصفورة روعة
و الله لو كان كل ربة بيت تعمل بهذه النصائح …
راح تتعدل البلاد و يتحسن إقتصادها و غقتصاد الفرد
شكر لك ليلى كل فكرة الطرح
جزاك الله خير
حتى انا استفدت من وصفاتكم اديت بزاف افكار
انضن انو لو استخدمنا الخبز بدل رميه ربة البيت رايحة تقتصد في مصروف البيت اكيد
ربي يخليكوم ويجازيكوم كل خير