مشاركتي في مسابقة دواز أتاي
أعذروني على التأخير كانت عندي إنشغالات كثيرة إلا أنني لحقت في الوقت والحمد لله
جبتلكم بسكويت بنين وشباب يتقدم مع الشاي أو القهوة والحليب
المقادير:
500 ع مرغرين
نصف كأس سكر ناعم
8 معالق كبار مايزينة
6 صفار بيض
فلان فانيلا+ملون اصفر
فلان فرولة+ملون وردي
كيس خميرة
وفرينة
للتزيين:معجون مشمش+قوفريط شوكولا مرحي
نمزج المرغرين والسكر جيييييييييدا باليد أو بالعجانة
نبدأ بإضافة صفار البيضات بالتدريج
ثم نقسم المزيج إلى 2
الجزء 1 نضيفولو فلان الفانيلا + الملون الأصفر+4 معالاق نشأ+نص كيس خميرة
الجزء 2 نضيفولو فلان الفرولة+ملون وردي+4 معالق نشأ+النص الثاني تاع الخميرة
ونجمع بالفرينة
ونغطوها باش متنشفش وتولي قاسية
التشكيل:1
نحل جزء من كل عجينة فوق نايلون
ثم نسويهما اعتمادا على ورقة باش يولو نفس الحجم
ونحط الصفراء فوق الوردية
ونبدأ اللف بالعقل بمساعدة النايلون
ثم نقطع بالسكين ذهابا وإيابا
الشكل 2 :الشطرنج
نحطهم فوق بعض ونخالفوهم
نفوت عليهم الرولو باش يلصقو في بعض
ونقطع
الشكل الأخير
نبسط العجينة الصفراء فوق النايلون
ثم نرش كاكاو بودرة ونلق ونقطع
نطيبوهم في فرن ساااخن وأكيييييييد تبدا تخرج ريحة فرولة مع فانيلا يمي يمي
ثم نمرر الحواشي في معجون خفيف ثم نمرغدوهم في قوفريط مرحي
وهادي الصينية لعيونكم 
الشكل الأخر نطلي الحبة كامل بالمعجون ثم نرمدوها في القوفريط ونعمل خطوط بيضاء من فوق كما في الصورة هادي كنت حطيتها من قبل
تجي شابة وبنينة في نفس الوقت
بالتوفيق في المسابقة
موفقة حبيبتي
للاسف الصور الاخيرة مخرجوليش يعني النتيجة اللي لازم نحطها في الاستطلاع
مادابيك تحمليهالي من جديد فقط الصورة النهائية
و بالتوفيق في المسابقة
اختي ام يوسف اليكِ الصور
