السلام عليكم اليوم اللي عملت فيه المسفوف حبيت نوريلكم طريقة اعداده من مطبخي
– تجيبي كيلة مسفوف حسب عدد العائلة تخسليه مرة وتحطيه يشيح
-ترنخيه بشوية زيت قيس 3 م ك تفركيه مليح وتحطيه يفور مرة الاولى مدة 15 د حتى تشوفي الفوار طلع
تحبطيه في قصعة تحليه ضفيلو الملح حسب الذوق وترشيه بالماء قيس نصف فنجال ماتكتريش الماء باش مايتعجنش تخليه يريح مدة 10 د تعاودي التفوار للمرة الثانية ترشيه بالماء مخلط بماء الزهر والثالثة ترشيه قيس 2 م ك ماء الزهر فقط .
-في هذه المرحلة تكوني موجدة الزبيب ( تحطيه في ماء دافئ + ماء الزهر وتخليه حتى يتنفخ شوية اي مدة 30د )
تحطيه في الكسكاس وتحطي عليه المسفوف ( تحبي حتى تفوريه 5 مرات ماتخافيش ) وتحطيه يفور .
-كي تحبطيه في القسعة حطيلو الزبدة كمية لاباس بيها وتخلطي السكر وتخليه يريح
حتى يجي وقت التقديم تحطيه مع اللبن وتزينيه باسكر الناعم
شهية طيبة لجميع الاخوات
اممم راه يبان روعة
نموت عليه و تاعك ما شاء الله يشهى يعطيك الصحة
ممممم روووعة اختي من الطباق لي نحبها ونعتمد عليها بزاف في رمضان شكراً لك على التقديم
يعطيك الصحة باين بنين
الله الله
ايشهي الله ايبارك
بصحتكم اختي
ايشهي الله ايبارك
بصحتكم اختي
يسلمووووووووووووووووووووو ايديك يغلا
والله ياسميرة مكانش اغلى من طلتك وردك
يممممممممممم الطبق المفضل لبنتي يسلمووووووووو