السلام عليكم ورحمة الله وبركاته
كيما تعرفو كامل كاين مخطوبات راهم على ابواب الزواج 
حبيت منكم تساعدونا وخاصة العروسة لي رايحة بدارها وحدها يعني كيفاش نديرو وطريقة تسيير البيت والخ ونتوما ادرى بهاد الحوايج وياريت يكون عنوان واضح ومثبت
حياكي الله غاليتي
اولا ربي يهنيكم و يزن سعدكم يا رب
عاادي جدا اختي صح ممكن النهار 1 تجيك غريبه درتي دار وحدك يعني نتي المسؤوبة عليها وحدك مكاش شخص ىخر تتكلي عليه كيما الحال في دار الوالدين بصح عااادي بالعكس راح تخلي بصمتك و لمستك الخاصة في منزلك و تحسي بدفئ و فرحة فيه لانك في عالمك الخاص و عشك الزوجي
يعني احرصي على رضا زوجك يعني النظافه اكثر شيئ اهتمي بملابسو حوايجو كي يتوسخو اغسليهم متخليهش يديرلك ملاحظه هههههههه كيما حاتي اول متزوجت كنت حاسبه روحي في درانا نلم القش و كل ويك اند نغسل و راجلي بسلامتو يبدل بزاف يقلي لحوايج لنحيهم اغسليهم باش بعد نهارين كي نحوس على تريكو و لا سروال نلقاه من تم وليت لنحي نغسل خخخخخ توبه فهمتيني حنونه و زيبد اهتمي باكلو وش يحب راهي الكرش هي القلب هههههههههه نصيحة مجرب 
نتمنى نكون فدتك و لو قليلا تحياتي 
يعطيك الصحة فدتيني الله يدوم عشرتكم بالخير
طرح رائع حبيبتي ميلينا و أختنا الساعية للجنة
راها عطاتك نقاط مهمة ورائعة لكسب ود الزوج
الله يرزق كل عزباء زوجاً صــالحاً
يعطيك الصحة اختي ان شاء االله يفيدونا برك
اولا ربي يهنيك و بالرفاه و البنين و ثانيا هذي دارك عشك وحدك في يدك تحوليها الى جنة و ايام من العسل مع زوجك احتمي بنفسك اولا ثم بزوجك نظافتو و ملابسو نظاف محدين و طياب اللي حبو ثم نظافة منزلك اهم حاجة فهو بمثابة وجهك قدام الناس و لو باشياء بسيطة في الاول المهم النظام و النظافة مع حسن تسيير في البداية تجيك شوية غريبة بصح مع الايام تولي تحبي دارك اكثر من اي مكان في العالم و بنظام يجيك كل شي ساهل
يعطيكم الصحة حبيت تمدولي يعني جدل نتقيد بيه تع الاعمال
عبالكم الدار لكبيرة ووحدا جديدة مشي كيفكيف حنا فدارنا كلش نعاودوه كل يوم مع الدراري راكو عارفين
الف مبروك حبوبتي مايا الله يهنيك ويفرحك والله معلابلي راني كيما انتي نسكن وحدي ومعلابليش راهي تالفة في المتابعة نستفادو مع بعض
انا محبيتش نسكن وحدي بصح وش نديرو ههههههههههههههه
شوفي بنتي هادي بعض النصائح ان شاء الله نفيدك احرصي دايما باش تنوضي بكري كيما يقولو ناس زمان الفياق بكري بالدهب مشري اضربي تدويشة خفيفة وغسلي سنيناتك نشفي شعرك والبسي قشك نقي صلي صلاتك و مع ادكار الصباح وديري شوية ريحة ومكياج خفيف ماتكتريش باش ما تبانيش كالمهرج ومبعد ديري القهوة و وحطي كل شي نقي ومنضم فوق الطابلة ونوضي راجلك حتى هو يتوضا ويصلي اشربو القهوة في رحبة مع الابتسامة و اللسان لحلو هو يروح لخدمتو وانت ترجعي لخدمة الدار عدلي بيت النعاس حلي النوافد بدلي الدروات ولميهم مع القش الي بدلتوه غسليهم وانشريهم وبعد طيبي واش راكي باغية انت وراجلك مع انت جديدة الدار مازال كلش نضيف ما تاخدش الوقت بزاف دوري فالدار وشوفي الاكانش حاجة يخصها تنغسل غسليها وعيشي حياتك ف مملكتك الخاصة وما تخرجيج سر دارك لاي واحد مهما كانت درجة القرابة دايلو عندك لخاطر بعض الناس شياطين في صفة بني ادمين ربي يبعدنا عليهم يا رب والا تفكرت حاجة غادي نقوللك عليها وربي يهنيك بنتي