السلام عليكم حبيباتي مدونة سيدات الجزائر ان شاء الله تكونو كامل بخير
اليوم عملت مربى المشيمشة او كيما يسميها البعض بقويرصة او الزعرور و حبيت نشاركم بالوصفة مادام اننا في موسم هذه الفاكهة نخليكم مع طريقة التحضير طبعا مرفوقة بالصور كيما العادة ان شاء الله جربوها و تنال اعجباكم
المقادير
1 كلغ زعرور من النوع الجيد
800 غ سكر عادي
كاس ماء
شريحة من الليمون
التحضير
– اول شي نغسل الزعرور ( المشيمشة) و نقشره ثم بواسطة راس السكين ننزع و برفق النواة من الاسفل


– في قدر او كسرونة كبيرة ندير الماء+ السكر و نضعها على نار متوسطة و نتركه يغلي لمدة 10د / 15د

– نضيف الزعرور و شريحة الليمون و نتركه يغلي حتى يتماسك السيرو

– ننزع الكسرونة من على النار و نخلي المعجون يبرد ثم يحفظ في قوالب محكمة الغلق
ملاحظة
– لابد من اختيار الحبات تكون متوسطة في الحجم مع المحافظة على الغسن حتى تبقى محافظة على شكلها اثناء الطهو
– اذا تشكلت لينا رغوة اثناء طهو المربى يجب نزعها مرة على مرة بواسطة ملعقة حتى لا يفسد المربى و يبقى محافظ على لمعان ديالو


اممممممممممممممممم يا اميرة هبلتيني عليها الله يبارك عليك وخرجلك روعة بصحتكم




اممممممممممممممم يشهي اميرة مبدعة سلمت حبيبتي





مشكووووووووووورة حبيبتي على الوصفة والشرح المفصل




شكلو رائع …يعطيييك الصحة دمتي مبدعة …لا تبخلي علينا بأفكارك الجديدة و النيرة و جزاك الله كل الخير
يعطيك الصحه شهيتينا