مربعات النستلي بالمكسرات 2024.

السلام عليكم ورحمة الله وبركاته

السلام عليكم هذا قاطو روعة وبريزونتابل ويجي زاكي





1/ العجينة / 250غ زبدة ++ نص كاس سكر ارتب ++ بيضة و2 صفار ++ 150 غ نشاء ++ فاني ++ نصف ملعقة صغيرة

خميرة حلويات ++ فرينة

التحضير / نخلط زبدة مع السكر مليح حتى تولي كريمة ونضيف البيض والفاني ثم نضيف النشاء وفي الاخير الخميرة

والفرينة حتى نتحصل على عجينة مثل الصابلي نخليها ترتاح ربع ساعة ونغطيها بكيس





ثم نشكل من العجينة كور ون ونعدلها في المول تاع الحديد شكل مربع ونثقبها بالفرشيطة





ونطيبها

2/ الحشو / 100غ نواد كاجو + 100غ بيستاش + 100غ لوز + 100غ كاوكاو + 100غ جوز + علبة نستلي الصغيرة





نخلطهم مع بعض

وفي كل مربع نحط ملعقة تاع القهوة الكبيرة





وندخلها للفرن مدة 5 دقائق ولمل نخرجها من الفرن ندهنها بالناباج او انا درت معجون + شوي ماء ونسخن ونصفيه

وندهن بيه الحبات





ونعمل شوي بريواليمانتير اختياري

هاذ الكمية تاع العجين قطعتلي 70 حبة والحشو عمرلي 65 حبة

ما شاء الله خرجلك هايل
يسلم ايديكي

هايل حنونتي ام ساجد …
٤٤٤٤٤٤٤٤
انا نحب المكسرات كثيرا كثيرا ….
لك مني احلى تقيييييييم ….
++++++++