محتاجة أراءكن يا ذوات الخبرة في الحياة 2024.

المهم راح نصارحكم أخواتي الأمر اللي يحز في قلبي هو

أولا أني غرت على زوجي و أعتقد لا ألام على ذلك خصوصا أنو راح تكون الله يبارك عروسة جديدة و كل شي جديد عندها و بانتلي تان ماشي ملتزمة بزاف يعني ممكن تتساهل في أمر السترة أو غيرو في حين أنا الحمد لله ملتزمة و أتحجب أمام إخوة زوجي كما يجب لكن الشيطان صعيب

و الثانية أنو حماتي راهي تقول راح تبقى معاك شهر فقط و الله أعلم بحكم أنو زوجها يعني أخو زوجي العريس ما يقدرش يتأخر عن عملو أكثر من هادا و بالتالي راني حايرة كاش ندير في الطياب و الشغل في هاداك الشهر هل نخدم عليها كيما قالي زوجي على أساس راهي كالضيفة و نطيبو قدرة وحدة و لا نقسمو في الطياب و الشغل و لا كيف نتعامل ما رانيش حابة أظهر بمظهر الساذجة و لا الواعرة اللي تحب المشاكل
لأني جربت السلفات من قبل و نعرف طبيعة العلاقة اللي تكون بينهم لهذا راني حابة نتصرف تصرف ما نندمش عليه من بعد
و قالت حماتي أنو بعدو راح تديها لعندها تقعد باش تكون براحتها كثر بدون حجاب و لكني لا أدري إن كان الامر سيجري كيما راهم يقولو ولا لالا

المهم هادا ما راهو شاغلي بالي و الله أتمنى لها الخير و السعادة و لست من النوع اللي تغير من الغير أو ما أشبه ذلك الحمد لله أنا متعلمة و واعية جدا و مثقفة و الفضل لله أولا و أخيرا لكني أفضل أنو ندير لكل شي حسابو خير لأكون على بينة من أمري في كل خطوة نديرها

أيضا ملاحظة سلفتي الجديدة عاملة و راح تاخد عطلة فقط في هاداك الشهر اللي راهم يحكو عليه في حين أنو أنا لالا ماكثة في البيت لا دخلة لا خرجة لأنو زوجي مزير نوعا ما

فبماذا تشرن علي يا الغاليات؟

تقبلن تحياتي