لهريسة باللبن

السلام عليكن عزيزاتي
جبتلكم اليوم كيفية رائعة جدا و لذيذة و الاهم
سهلة و اقتصادية
هريسة باللبن
المقادير:
6كيسان دقيق احرش
3كيسان سكر عادي.
قرصة ملح.
كاس لبن
كاس زيت.
فنجان ماء زهر.
الكيفية:
خلطي الدقيق+السكر+الملح جيدا
خلطي اللبن+الزيت+ماء الزهر.
اضيفي السوائل الى الخليط الاول ثم افرغيهم
في صينية الفرن مدهونة بالزيت ادخليها الفرن
على درجة حرارة180 حتى تحمار على الحاشية
جيدا ثم حمريها من فوق بعد اخراجها مباشرة اسقيها

على 3 مراحل لكي لا تتفتت
الشاربات:
5كيسان ماء+2 و نصف كيسان سكر+شوية
ماء زهر يغليو 5دقائق
اتمنى ان تجربوه راهو لذيذ داراتو سلفتي
و بعثتلي منو هايل

اول مرة نسمع باللبن يديروا بيه هريسة بصح مدام من عندك اكيد بنينة نجربها بحول الله بصح مافيهاش البيض ومشكورة على الوصفة اختي

جات في وقتها غي البارح اختي عيطتلي قاتلي الا عندك وصفة تاع الهريسة
راح نزيفطهالها نتمنى تصدقلها.
شكرا اختي

يا اختي ام عبد الماجد الكيفية صحيحة ومجربة
اذا تخوفتي تقدري تجربي بكاس صغير في بلاطو
صغير كيما اندير انا و انا متاكدة بانك رايحة تدعيلي
بالخير

يسلموووووووووووووو تقصدي لبن لي يجي حامض

نعم هدي تجيء مثل قلب اللوز
تتعمل هكدا
ماشاء الله شكرا لك اختي

يم يم روحي فالقلب اللوز
يسلمو على الوصفة هديل
من يد مانعدمها حنونة

شكرا لكن اخواتي على هذا الاهتمام و الردود البناءة
بالنسبة للبن نعم الحامض انا جربت البارحبالرايب (لان
اللبن ماعنديش) في سنيوة قد النملة ههههههههههههههه
صدقوني هكذاك سخون طارو بيه الاب يقص والاولاد
ياكلو معا كملت غسيل القش لقيت غير الفتات لمسقي
وامبعد وليت انطيب في تيزانة النعناع المهم كيفية
ناجحة للتي تريد التجربة. بصحتكم