ندخل في الموضوع مباشرة بنتي عداوهالي بالقمل الله لا يبليكم بيه و راني نقيلها و الدنيا و حالتي حالا و هكداك و عداتني انا تاني
و المشكل هو أنو راني نافسة و بنتي الجديدة يا دوب عندها شهر راني ميتة بالخوف يجيها
غيرت كل اغطية المخايد و السراير و هكداك و راح نموت بالتوسويس
حبة نعرف الله يرضى عليكم كيفاش ندير معاه قولولي ممكن منكن من بليت به قبلي حابة نعرف كيفاش ندير من جانب الإحتياطات و النظافة للحد من العدوى و الله غير وليت حتى في رقادي نحلم بيه ولالي كابوس الله يستر
راني نستنا الجواب يا أخواتي قلت علابالي ما كاش موسوسات نظافة كيما الجزائريات أكيد راح يفهموني و يورولي فما تبخلوش عليا بالنصائح رجاء
: Angry: شوفي اختي كاين في الصيدليات دوا تاع القمل يجي لوسيون وشامبو
ديريلها اللوسيون في شعرها كامل وخليها ساعتين ومنبعد اغسليلها بالشامبو وان شاء الله في 5 ايام يروحلها
وكاين ثاني بودرة جاية كيما التلك هاذي ترشيها في الملابس والفراش
وان شاء الله يروح القمل وتتهناي
وبالنسبة لبنتك الصغيرة حاولي تعزليها قدر المستطاع على اختها وغيري الفراش يوميا وخرجيه للشمس
وربي يرزق الشفا ان شاء الله في القريب العاجل
درت لبنتي هاداك الدوا ولكن مرتين برك و الحمد لله راحلها القمل كامل و بقالها غير الصيبان راني نفليلها شعرها يوميا و نحيلها
اما المشكل اللي عندي فهو أنو داري ما تضربش فيها الشمس بعني حتى كي نغسل الفراش ينشف في الظل لهذا توسوست و خفت يولي
على كل شكرا جزيييلا عالجواب و في إنتظار رد باقي الأخوات
بما انو ماعندكش الشمس تقدري كي تغسلي الفراش وينشف تفوتي عليه الحديد (المكواة)
هكذا كوني مهنية بلي حجة ماتبقى فيه
اما على الدوا غير زيدي كمليلها حتى يروح الصيبان لانو هو بيض ومنبعد يفقس ويولي قمل
كمليلها الدوا حتى يروحلها كامل الصيبان
انا كي كنت صغيرة عداوني خطرة بيه
و دارتلي ماما دوا و هاذيك البودرة و راحلي الحمد لله
داومي الدوا
و بدلي الفراش و غسلي القش البيبي بالماء الطايب او طبخيه ف القدرة
و كل شي الي تقدي ديريه ف الما الطايب
و ما يكون غير الخير
الاكي على البيبي امشطيلها راسها و فيريفي
و الله يبعده عليكم
و ما تتوسوشيش ما يكون غير الخير
الحمد لله خف عني التوسويس بزاف خصوصا كي مازال ما تلاقيت بحتى قملة للدرك هههههههه>>>>شر البلية ما يضحك راكي تشوفي
راني نفيريفي لبنتي و ننظف و حالتي حالة بصح تعرفي كي يكونو 2 تربيات صعيب الشي ربي يقدرنا برك
المشكل أنو أنا ما كاش شكون يفليلي شعري باش نتأكد لأني للأسف عداتني بنتي لعزيزة
يعني ما كاش حل لإستئصال الصيبان ما عدا الفليان؟ أنا راني ننقي لبنتي مي انا ماكاش اللي ينقيلي غير الحاجة اللي نقدر نديرها وحدي من التمشيط و الدوا
قولولي كاش ندير سيداتي ما تخلوش علي بالنصايح