كيف اخفف عن طفلي الرضيع ؟ 2024.

السلام عليكم

طفلي عمره 25 يوم
نومه يتقطع كثيرا و لكن ليس دائما لطلب الحليب

يبقى يتعصر يتعصر حتى يخلعني

هل هذا من الغازات ؟ ولا واش ؟
وواش نديرلو باسكو مازالو صغير على التيزانا تاع الفارماصي

درتلو التيزانه تاع الدار لي فيها كروية و بسباس و كمون
بصح نعطيلو منها غي بشوية نخاف تضرو

راني ام لاول مرة و تالفتلي

عاونوني خياتي

حبيبتي انتي ترضعيه رضاعة طبيعية ؟؟

الاطباءيقلك الطفل كيي يجيه غازات و ينعصر هكداك و يكون يرضع رضاعة طبيعية اعرفي بلي حليب تاعك نوعيتو جيدة ممتاز

و ماعندي ولافكرة ياااااااااااااااااااا خيااااااااااتي عونوهااا الي تعرف انا دوك نروح نسقسي ماما ونقلك واش ديريلو دقيقة ونولي

قالتلك ماماااااا احسن شيء تيزانة اللويزة غليلو 4 ورقات و اعطيهملوو يرتاااح و يرقد بيان وتفتحلو الشهية قالتلك مكاش كيما اللويزة

هذا سير عندو لي غاز الطفل كي يتعصر اعرفيه بلي عندو مشكل في بطنو مالا شوفي واش راكي تاكلي يا ختي افيتي الخيار والفقوس والدلاع ويالحار خاطر دير اللي غاز للطفل والكمون مليحة غلي الماء وحطيه فيه شوية 10د وشربيه بالمغرف وان شاء الله يصبح لاباس ربي يشافيه

كاين ماساج للرضع لتخفيف عنه االام الغازات اكتبي في قوقل تلقاي ان شاء الله يرتاح

ايه انا نرضعو رضاعة طبيعية
التيزانا هاذي قالولي حتى يفوت الشهر علابيها خفت نديرهالو

قالتلك ماما انا من الاسبوع الاول نديرها ل ولادي وماصرالنا والووو الحليب تاعك هو الي دارلولي غاز

oukhti ana bniyati meli andhom 5jour ndirolhom tizana w na3tihiom ta farmacie mliha bezaf
wala atih luiza wrikat ma habat hlawa w3tihamlou
w twalhi anti wch takli alhaja khadra ga3 matoklihach w aslan kayen drari youldou b had ligaz
yakbar inchalah witnahawlou matakolkich

وي بناتي حياتي اللويزة لاميوغ