بسم الله الرحمن الرحيم
السلام عليكن اخواتي
اليوم وجدت هاد الكراتان بالخضار
نجيب 2ولا ثلاثة حبات دنجال وحبة قرعة وحبة بطاطة نقشرهم ونقطعهم على الطول نرشهم بشوي زيت وندخلهم للفرن بدل ما نقليهم ونصف القسم الاول في قاع المول والباقي حتى نحط الحشو الي هو
في طنجرة حطيت شوي زيت زدت عليه2 فلفل حلو مقطع صغير زدت معاه حفنة زيتون اخضر مقطع وحطيتهم يذبلو شوي ومن بعد زدت عليهم اللحم مرحي كمية بسيطة 150غ تقريبا وزدت شوي ثوم مرحي وزتد طماطة مقطعة رقيقة وخليت كلش يطيب
مع ملح وفلفل اسود وكمون حتى تنشف المكونات من ماء طماطم وتولي واقفة في ايدامها
هنا نوجد الروز عبارة عن كاس رو زاي نوع انا استعملت المفور نقيتو وغسلتو وجبت الكوكوط حطيتو فيه ونشفتو من الماء وزدت عليه مغرف ماكلة زيت وقليتو فيه ومرقتو بالماء وعبارة عن كل كاس روز نعملو لو 2كاس ماء ونملح ولا نحط شوي جمبو دجاج ولا خروف وكي يبدا يغلي نقص النار ونخليه على نار مهيلة حتى ينشف خلاص نطفي النار وما نحركوش حتى يبرد باش ما يتعجنش كي يبرد شوي في طبسي كبير نفقص من2او3 حبات بيض نخلط الخليط انتاع الفلفل وباقي الخلطة ونزيد الروز
ونفرغهم على البدنجال ونعاود نغطيم بطبقة ثانية وللفرن حتى يطيب البيض لانو كلش طايب
في الحقيقة موالفة نعملها غير بالبدنجال لكن هذه المرة حبي نحط الكورجيط والبطاطة حتى نبدل شوي ونستغل باقي الخضرة الي عندي
وهذا هو طبقي بالصحة والهنا على قلوبكم
ولللامانة هذا الطبق شفتو من سنوات في صبحيات جابتو السيدة رزقي لكن انا عدلت فيه ولانو قديم والله نسيت الطبق الاساسي ههههههههه
المهم هذا الطبق
خفيف ومتكامل زيدي معاه غير شلاضة
خفيف ومتكامل زيدي معاه غير شلاضة
راائع يعطيك الصحة و البنة باينة
راائع يعطيك الصحة
مشكورة حببتيي
شهيتيني
تسلم الايادي
+
تقييييييييييم
شهيتيني
تسلم الايادي
+
تقييييييييييم
الله يعطيك الصحة طبق يشهي
تسلمي
الله يسلمك كي تجربيه هاديك هي البنة الصح
ربي يخليك اختي ويسلمك شكرا
ويسلم منظارك اختي بنت عين صالح الف شكر على التقييم والتشجيع
تلألأ طبقي بمرورك اختي لؤلؤة البحر وزدتيه بنة شكرا لك