اليوم جبتلكم وصفة ساهلة تخرج كيما لي يتباع لالا احسن ان شاء الله
قلب اللوز المقادير:
6 كيسان تشيشة متوسطة
3كيسان سكر
خلطيهم مليح بيدك
زيديلهم
باكي خميرة الحلويات
كاس زيت
كاس لبن وليس رايب وليس حليب اكرر لبن
وكاس ماء الزهر
واعجني مليح بين صباعتيك باش يذوب السكر ويجي معسلة من داخل
فرغي الخليط في سنيوة وتسفيها بظهر المغرفة بلا ما تعبزيها وخليها ترتاح 20د
في هاد الوقت حضري الشاربات
6 كيسان ماء و3 سكر وعود قرفة وكاس تاي ماء الزهر
حطيها فوق النار وحركي حتى يذوب السكر ولما تبدا تغلي خليها 15 د وطفيلها وزيديلها نصف كاس تاي ماء الزهر
نشعلو الفور تاعنا لما تكون تطيب الشاربات ونخليه يسخن مليح على درجة 170د ندخلوه يطيب من تحت 20دقيقة ومن بعد من فوق حتى يتحمر وطفيلو وبمجرد ما يخرج اسقيه بالشاربات على ثلاث مراحل وخليها ترتاح من 6 ساعات فما فوق واذا باتت يكون احسن
وهادو ليكم حبيباتي
جربوه ومتندموش راه بزاف بنين
يممممممممممممم اكيد يشهي واكيد بادن الله سينجح لان وصفاتك ناجحة لقد طبقتها
مشكورة راني شفتو في منتدى اخر و جربتو و خرج هايل بارك الله فيك
ماشاء لله بركتي
ممممممممممممممم يسلمو والله غير نموت علييييييييييييه
ما شاء الله عليك حادقة ونص
يعطيك الصحة ياريم باينتو هايل بصح شو السر في اللبن بالدات واذا كان غير موجود باه نعوضو يعني بدون بيض حابة نجربو
جربيه غير باللبن يا رنومتي
شكرا لكن اخواتي على الثقة وان شاء الله ينجح معاكم كيما نجح معايا
شكرا لكن اخواتي على الثقة وان شاء الله ينجح معاكم كيما نجح معايا
شكرا جزيلا على هذه الوصفة
جزاك الله كل خير
ان شاء الله نجربوا نموت على قلب اللوز وشكرا ريم