الوصفة:
06 كؤوس كبار سميد نصف غليظ تجدينه في الأسواق+02 كأس كبير سميد متوسط+03 أكياس فنيليا+02 أو 03 أكياس خميرة الحلوى +كاس كبير زبدة ذائبة +كأس كبير زيت +ماء زهر +02 كيسان و نصف سكر
الطريقة "
نخلط المواد الناشفة مع بعض ونضيف الزبدة والزيت و نخلط حتى تدخل ليدام مليح في السميد و نبللها بماء الزهر جيدا حتى كي تمسكيها في يدك تقدري تجمعيها
و بعدها تجيبي صينية فرن مدهونة و تفرشي فيها قلب اللوز ديالك وتكوني سخنتي الفرن من قبل جيدا و تكوني وجدتي الشاربات هي الأولى و تكون باردة
المهم تدخلينها الفرن و تخلي عليها نار شاعلة غير من التحت وتخليها تحمار جيدا و تشوفيها حمارت مليح من الجوانب جيدا جيدا هذه نقطة مهمة و بعدها تشعلي عليها النار من الفوق حتى تكتسب لون ذهبي مليح مليح و بعدها تخرجيها وتسقيها بالشاربات الباردة و تحطي عليها كاوكاو أو نواد كوكو كيما بغيتي وتخليها تتشرب الشاربات وتبرد مليح وتقدميها تقدري طيبيها الصباح وتحطي منها في المساء
بالنسبة للشاربات:
05 كيسان ونصف سكر و لتر ونصف ماء+ ماء الزهر و ليكستري ماء الزهر غير نقطة ماتكتريش منو باسكو يجي مر
شهاني
يبان مليح
ممكن تتكرمي علينا بالوصفة
تسلم ايدك يا غالية
يعني ما نبيتوش
ثمثم نطيبو
اكيد نجربو
أنتظر تجربتك
انا اليوم جربت وحدة لكن مادرتش خميرة الحلوى و الزيت و ان شاء الله تطلع مليحة راني نستنى في النتيجة و نحطها ادا خرجت الوصفة مليحة