سلام لبنات واش راكم حبيباتي
بدون اطالة نخليكم مع المقادير
هذه المقادير الحقيقيى انا استعملت النصف
رطل دهان صول او دهان التوريق-نفس عبر الدهان ماء+بيضة-1 خمارة -قرصة ملح-مغرفخل+مغرف ماء الزهر-قرنفل-الفرينة باش تلمي العجين-عسل
طريقة التحضير:
ذوبي الدهان و خليه يبرد و عبري بواسطة بول باش ديري نفس العبر ماء
فرغي البول تاع الدهان في القصعة و من بعد ديري الماء في نفس البول+حبة البيض و الخمارة+قرصة الملح+الخل و ماء الزهر
و خلطيهم مليح ومن بعد زيديهم للدهان و خلطي بواسطة راحة يدك مليح حتى يمتازجو مع بعض
(هذه الطريقة ناجحة 100/100) باش تجيك القريوش منتفخة و خفيفة
من بعد لمي بالفرينة حتى تتحصلي على عجينة ناشفة مليح
لانه كلما كانت العجينة يابسة مليح تكون الحبة واقفة و شادة روحها
قسمي العجينة الى قرصات مدورين و حليها بالحلال
قلبي الصني على الغاز ناقص و حطي فوقه العجينة شوية برك تنشف و قلعيها (مالازمش تخليها بزاف حطيها و قلعيها بسرعة قد ما تنشف هذا مكان)
رولي العجينة على روحها كما في الصورة و بواسطة الة القطع المضرسة قطعي دي لوزونج يكونو رقاق و اذا ما عندكش عادي بالسكين
حكمي الحبة في يدك و جبدي الطبقة التانية اللي تحت الفوقانية مباشرة حتى توصلي للوسط سوف تلاحظين انها جبدت معاها باقي الطبقات على شكل نجمة
ماقدرتش نصور الطريقة بارسكو كنت وحدي
احكمي الوسط بحبة قرنفل
و اقليها في زيت سخن و يكون ياسر باش تعوم الحبة
هذه انواع اخرى صنعتها
ان شاء الله تعجبكم
بصحتكم
ان شا الله يكون الوقت ونجربوه