غولاد اللحم المرحي 2024.

السلام عليكم ورحمة الله
اليوم جربت وصفة اعطتني اياها عزيزتي وحبيبة قلبي الغالية ام الحلوات اللي نشكرها بزاف على الوصفة
رطل فرينة ملح غير شوي
مغرف كبيرة ونصف خميرة الخبز
80غ زيت
250ملل الى300ماء دافئ
انا احتجت الى 200
مغرف كبيرة سكر
زوج مغارف كبار زيت
الحشو لحم مرحي متبل بالبصل والثوم والكسبر والفلفل الاسود والملح وشوي معدنوس
وفرماج
وانا اضفت من عندي الطون
التحضيرخلطي كل شي ماعدا زوج مغارف نتاع الزيت وزيدي الماء الى ان تتحصلي على عجينة متماسكة من الاحسن متكونش جارية
حطي فوقها الزيت وغطيها وخليها تختمر
كي يتضاعف حجمها حليها تكون ارق من البيتزا بشوي حطي الحشو يكون لازم بارد
وروليها كيما البسكوي رولي وقطعيها دوائر وخليهم يزيدو يخمرو ا
كي يخمرو ا ادهنيهم بالبيص الصفار
وزينيهم بالفرماج رابي والسينوج
وشهية طيبة جربوها والله لذيذة وطرية ويحبوها الاولاد

ما شاء الله عليك حبيبتي طبقتيها بصحتكم انا والله درت عيش حااااااااار

الله يسلمكمحبيباتي
ام اياد كاش قد العيش الحار هو الاصل

ممممممممممممم تشهي الله يعطيك الصحة

بصحتكم اختي اطياف
شيء جميل ووجبة كاملة وخاصة انه يحبوه اطفال

حبيبتي الزيت راكي دايرة على زوج مرات
80غ وزوج مغارف كبار
ممكن الشرح
باينة بنينة

مممممممممممم يشهي بصحتكم

الله يسلمك اختي شكرا على المرور

اممممممممممممممم خرجلك يشهي
بصحتكم