انا نعاني بزاف من تساقط شعري على طول العام وخطرات تجيني فترات يولي يطيح بكميات كبيرة حتى يفرغ كامل
العام اللي فات جربت علاج طبي ونفع معايا وقفلي التساقط وكثفلي شعري وسقمهولي
بصح منبعد عاودت هملت شعري ودوكا راهو طاحلي بزاف حتى بدات فروة راسي تبان وفرغت
عندي اسبوع ملي رجعت ليه وصدقوني غير التساقط نقص بدرجة كبيرة
المهم مانطولش عليكم
العلاج هو ecrinal
انا استعملت اللوسيون والشامبو
و la gamme راهي كبيرة بصح انا اكتفيت بهاذو الزوج فقط وخطرات نستغني على الشامبو لانو اللوسيون هو الفعال اكثر
هو علاج طبي يباع في الصيدليات فقط
والسعر يختلف من صيدلي لاخر
المهم ماهوش اقل من 1200دج
طريقة الاستعمال
الشامبو يستعمل عند كل استحمام مرة او زوج في الاسبوع
قبل اغسلي بالشامبو العادي تاعك باش تنقي مليح شعرك
ومنبعد اخر غسلة اغسلي بيه
اما اللوسيون يستعمل يوميا
فشفشي على فروة راسك كامل واعملي مساج بيدك وخليه ينشف وحدو
راهو كي شغل ماء مايخلي والو في الشعر وريحتو شابة
خليه ماتغسليهش عادي وعاودي كل يوم
هذا اللوسيون
وهذا الشامبو
كاينfemme
وكاين homme
نفس التركيب الاختلاف فقط في الرائحة
النتيجة تظهر من اول اسبوع بعد الاستعمال المنتظم للوسيون
تلاحظي بلي التساقط نقص بدرجة كبيرة
ومع المداومة يتوقف التساقط تماما وتبداي تلاحظي انو الشعرة بدات تقوى وشعرك تكثف
نتمنى نكون افدتكم واي استفسار انا في الخدمة
ولاتنسوني من صالح دعواتكم بان يفرج الله همي وييسر امري
galha tabib min katrat tanawal adwiya
inchlah ifidha kima fadak
و الله نعاني من تساقط الشعر بزاف
مع ان شعري طويل ياسر و خفيف و زيد كل ما نمشط نحي بزاف منه
ان شاء الله نجربه و يفيدني
بوركت و ربي يفرج عليك حبيبتي
وعندي استفسار هل يصلح لكل أنواع الشعر؟؟
وهل يستخدم بإذن طبي أم لا؟؟
نعم يصلح لكل انواع الشعر
وتقدري تستعمليه بدون اذن طبي
انا خصني حاجة لتكثيف الشعر وجد مشكورة على المعلومات