عصير المشماش لذيذ جدا

بسم الله الرحمن الرحيم اليكم طريقة عصير المشماش سهلة ولذيذة وغير مكلفة وبالاخص راه فى وقتوا …احكمى اغسلى المشماش ونحى منوا العلفة وكون المشماش طايب كما نقولو احنا نقاوسين مخموخ.. يعنى طايب بزاف الكمية كما تحبى …فوره ومبعد ما يبرد ارحيه وخبيه فى ساشيات تاع الكونجلاتور وفى وقت اللى تحبى تعملى عصير نحيه من الكونجيلاتور مدة من قبل وضيفى له السكر ومعطر المشماش والفنيلا وكمية الماء على حساب ذوقك اكون خاثر ونطلب منكم اللى تحب تستفسر على المشماش انا فى الخدمة المشكل نكتب لكن انحط صور منعرفش فى المستقبل ان شاء الله نتعلم ونحط لكم الصور وانتضرو منى المزيد من طيابات تاع المشماش وشكرا

الف شكر لك اختي جاء في وقته الموضوع كتبها الله لك الف حسنة

شكرا على الفادة
انا تاني نخدمو في الصيف وهو بنين ومفيد وطبيعي خير من المشري بالمواد الحافظة
شكرا

يعطيك الصحة أنا ثاني نخدمو و نخخبيه بصح شحال يقعد فالكونجيلاتوغ نقدر ندسو حتى لرمضان؟

ادا أمكن أنا نجاوبك حبيبتي
نعم تقدري تخبيه حتى لرمضان
أنا نخبيه حتى ل 4 شهر فالكونجيلاتور

يحفض فى الكونجيلاتور باالطريقة الصحيحة يبقى مدة عام ميفسدش خلاص مجرباتو دائما نوجدوا لرمضان يعجب للعائلة لانو صحى بدون مواد الحفض وشكرا

الله يعطيك الصحة جاء في وقته

هايل هايل هايل
انا راني جربته بعدما قرأت الوصفة حتى اوليدي عجبوا
من قبل كنت نطبخوا في الماء بصح الان نفوروا خير
واش نقولك حنونة merci beaucoup
ولبنات ما تنساوش اجربوه واك راه فري

شكرا انا نحب المراءة الفحلة انا دئما نوجدو لرمضان وعندما انكون بعيدة امى تحضرلى وتخبيه وتقول هذا حق محمد امين .وشكرا مرة اخت اممولة

المشماش بلا حتى حاجة بنين و نزيدو نعملو Jus كيما الطريقة ديالك …. يهبط لصطومة ديركت مليح بزافففففففففففففف في رمضان مع الساخنة كي كون بارك يا أختي…. شهيتني بالك نعملو اليوم ما شكيتش نصبر… يعيني … ونخبي منو فالكونجيلاتور ممممممممم باش نلقاه قدامي كل وقت مشكورة أختي العزيزة