اليوم حبيت ندلل الطفل اللي راه مقيم عندنا "ابن خالتي" بعشاء يحبو
عملت بيتزا بعجينة ال10 د و لا أخفف و لا اطرى
– نشكر في العجينة مشي في روحي ما تقولوش حوحو 
–
عملت الصوص بطريقة واحد مختص في صنع البيتزا
قطعت بصلة و ثوم و قليتهم في شوي زيت و ملح و فلفل اسود على النار
اضفت لهم الطماطم مقطعة
خليتهم 3 دقائق على النار و منبعد رحيتهم و اضفت الزعيترة
و استعملتها مع تزيين بالفلفل مشوح على النار و تونة و زيتون و شيدار
جربوها و ردولي الخبر
في الخلاط او بالباتور :
كاس فرينة + كاس ونص ماء دافئ + 2. م. ك خميرة الخبز + 2 م , ك سكر + 2 م. ك حليب بودرة (انا استبدلته بحليب سائل ربع كاس) + ملح
تخلطي مليح و تخليها 10 د ترتاح
تضيفيلها نص كاس زيت ( استعملت زيت زيتون يجي افضل في البيتزا)
3 كيسان فرينة و تعجني
تخليها 3 د وقت ما تحضري طاولة العمل و الصينيات
تحلي تحطي في الصينية و الى فرن مسخن نص ساعة قبل
بعد ما تنضج ديري الصوص و الزينة و الفرماج و ترديها للفرن 2 د حتى يذوب الفرماج
في الخلاط او بالباتور :
كاس فرينة + كاس ونص ماء دافئ + 2. م. ك خميرة الخبز + 2 م , ك سكر + 2 م. ك حليب بودرة (انا استبدلته بحليب سائل ربع كاس) + ملح
تخلطي مليح و تخليها 10 د ترتاح
تضيفيلها نص كاس زيت ( استعملت زيت زيتون يجي افضل في البيتزا)
3 كيسان فرينة و تعجني
تخليها 3 د وقت ما تحضري طاولة العمل و الصينيات
تحلي تحطي في الصينية و الى فرن مسخن نص ساعة قبل
بعد ما تنضج ديري الصوص و الزينة و الفرماج و ترديها للفرن 2 د حتى يذوب الفرماج
شكرا لك حبيبتي تسلمي 
هادا العجينة تحمر الوحه
انا ما بقيتش نستغنى عليها
بصحتكم