عزيمة الدار 2024.

السلام عليكم

بغيتكم تدبروا علي كما قلتلكم رايحة لداري…الدار كنت نسكن فيها وهي جديدة من سنوات غير بالصيف عملت فيها عرضات متفرقة للأهل …

لكن الان خدمتها وراحة نسكن بيها على طوووول ….
هل لازم نعمل عرضة جديدة كي خدمتها والا لا أو نكتفي بقهوة ورفيس دبروا علي من درك راني حايرة وخصوصا حطيت كل رأس مالي بخدمتها

نستنى ردودكم يالله بسرعة مابقى غير 3ايام ونبقيكم على خير سلاااام

انا نظن خلاص مادام ديرتي فيها عرضات ما لازمش عليك تعاودي وزيد الاوضاع المالية نتاعك ما تسمحش يمالا ما تزيريش روحك و ان شاء الله بالبركة عليك وربي يسعدك ويهنيك فيها امييييييييييييييييييين

عتبة مربوحة و ان شاء الله تشوفي عليها الربح و الصحة شوفي اختي تاخدي رايي ديري غير قهوة و حاجة خفيفة و خلاص و اللي تخسريهم في العرضات و الماكلة اشريهم حاجات للدار و ربي يفرحك فيها و بالبركة عليك اختي

انا رايي حبيتي من رايي الاخوات .تاخدي رايي قهوة خفيفة تكفي مادام جاو من قبل وشافوها .ان شاء الله يجعلها ربي عتبة مربوحة حبيبتي

بالبركة عليك تدخليها بزايد الرزق ان شاء الله
رأيي من رأي الأخوات ديري قهوة على حساب طاقتك عرضي عليها عايلتك و حباباتك معروف على السكنى الجديدة خير ما كل مرة تجي وحدة تباركلك

قهوة تكفي اختي بالهنا تسكني اختي

ان شاء تشوفي فيها الرزق والهنى بصح ننصحك نصيحة رشي دارك بماء مرقي لان الدار كي كملتيها ودرتيلها لافينيسو مش كيما كانت من قبل وسال مجرب لا تسال طبيب وكيما قلو الاخوات من قبل ديري قهوة وقاطو ورفيس على حساب عوايدكم وخلاص وما تكثريش على روحك وربي يرزقك فيها ويعمي عينين الحساد عليك وعلى ووليداتك

تدخليلها بالصحةوالهنا
ديري شوية قاطو وجديه
خاطرش غادي يجو لافامي يباركولك
حطي القهوة والقاطو. والحاجة الي تقدري عليها
متكلفيش روحك وتقعدي حاصلة

الله الله عليكم يا أخواتي مشكورات من القلب الله لا يحرمني منكن ..راح نعمل بنصائحكن …وشكر خاص لعاشقة الجنان …عندك الحق في كل كلمة قلتيها أكيد الدار تبدلت ولعياط راو وصلني منه لان القلوب المحبة للدنيا غير …لازم التحصين للبيوت وفي النهاية كل دي نعمة محسود لكن سنغلبهم بالتوكل على الله …لكن أشواقي وقبلاااااتي