نتمنى تكونو بألف خير
تعيشو حبيت نسقسيكم على وصفة كاسطال كليتو في العرس يكون كيما المسكوتة خفيف و فيه بنت الكاسطال
لي تعرف المقادير تاعو تفيدني تعيشو
:smil e15:
حبيبتي شوفي الوصفة هادي بلاك ترضيك لقيتها فالنت
المقادير :
5- بياض بيض ( بيضات كبار ويكونو بحرارة الغرفة )
قرصة ملح
250غ – سكر عادي
250غ – كاكاو محمص ومرحي متوسط
50غ – مارغارين طرية أي نوع
50غ – فرينة
1/2 خميرة كيميائية
فاني
الكيفية :
– طلعي البياض مع قرصة ملح حتى يطلع مليح كيما الصورة
إضغط هنا لرؤية الصورة بحجمها الطبيعي.
– وابداي زيدي في السكر بالشوية والخفاق يخفق حتى يذوب السكر ويجمد البياض وتتحصلي على مايسمى المنقار كيما في الصورةهنا تكملي مباشرة العمل ماتخليش البياض وتروح تحكي في التيليفون 
ترجعي تلقايه هبط 
إضغط هنا لرؤية الصورة بحجمها الطبيعي.
– في المرحلتين السابقتين الخفاق يخفق في السرعة القصوى
– نخلط مع بعض المكونات الجافة ( فرينة وكاوكاو وخميرة وفاني )
إضغط هنا لرؤية الصورة بحجمها الطبيعي.
– نوقف الخفاق ونضيف كل المكونات الجافة والزبدة مع بعض ونخفق لثواني على سرعة متوسطة كي تشوفو الخليط تخلط والزبدة دخلت في المكونات حبسوه
إضغط هنا لرؤية الصورة بحجمها الطبيعي.
– في مول نتاع الفرن نديرو ورق الزبدة ونحط الخليط ونمشيه بالشوية بدون ضغط باش مايخرجش الهواء
– ندخلو لفرن مسخن مسبقا على درجة حرارة متوسطة حوالي 160° وحذاري راهو رقيق ويطيب بسرعة في حوالي 10-15د ، شوفو اللون كي طابت لونها بني فاتح
إضغط هنا لرؤية الصورة بحجمها الطبيعي.
– نخليه يبرد مليييييييييييييييييح حوالي نصف ساعة أو ساعة لازم يكون برد ونشف في هذا الوقت نخدم الكريمة يكون هو برد ( ماتخافوش كي تشوفو العجين رقيقة راهي جي 2 طبقات جي مليحة برك ماشي خشينة )
كي يطيب يبانلكم يابس كيما الماكارون ماتخافوش كي تحطو الكريمة يرجع هشوش وطري ولذيذ يم يم
– نخدم كريمة الزبدة بالنيسكافي يم يم 
:
– نخفق المارغارين بالخفاق حتى ترجع كيما الكريمة خفيفة ولونها فاتح ( كل مايكون نوع المارغارين مليح تكون الكريمة مليحة ) أنا نستعمل فلوريال ريحتها وطعمها ملاح كيما الزبدة ( انا لهذه الكمية استعملت حوالي ثلث قطعة فلوريال نتاع 250غ )
– نضيف الفاني و حوالي 4 ملاعق سكر قلاصي ونخفق ( نضيف بالوحدة ماشي كامل مرة وحدة ) انا بصراحة ندير السكر ونذوق إذا ماشي حلوة نزيد السكر خاصة كي تكون فيها النيسكافي مركزة رايحة تدي السكر اكثر بصح في هذي الوصفة ماديروهاش حلوة بزاف لاخاطر رايحين تزيدو تذريو السكر من فوق 
– ذوبت حوالي 2ملاعق صغار نيسكافي في فنجان نتاع حليب لازم الحليب يكون بارد وإلا الكريمة تفسد ( اللي يحب يدير فيها 3ملاعق باش يجي طعم النيسكافي باين أكثر هو حر )
– كل مرة نضيف الحليب غير شوية ( أنا نضيف بالملعقة نتاع القهوة ) ونخفق لثواني ونزيد ملعقة أخرى وهكذا حتى نخلص كمية الحليب ترجع الكريمة خفييييفة كانها شانتيي ( هي الوصفة الاصلية يزيدو فيها ثاني الزيت بصح انا مانديرش )
مرة درت هاذي الكريمة في الليل وكنت تعبانة والوقت متاخر وتقلقت صبيت الحليب بكمية كبيرة فسدتلي الكريمة ورجعت كيما الحليب المكلكل مالا حذاري ديرو غير بالشوية
– نحي الكاستال من البلاطو واقسميها إلى قسمين متساويين
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
– أطلي نصف كمية الكريمة على النصف الاول ومشيها مليح لازم تكون طبقة رقيقة باش الكاستال ماجيش ثقيلة
إضغط هنا لرؤية الصورة بحجمها الطبيعي.
– حطي النصف الثاني فوق النصف الأول واعدليها مليح ( أنا ماصورتش هذي المرحلة لاخاطر وحدي في الكوزينة بصح هاهي الصور نتاع خالتي هي راهي دايرة ضعف الكمية )
إضغط هنا لرؤية الصورة بحجمها الطبيعي.
– زيدي أطلي النصف الباقي من الكريمة على الوجه نتاع الكاستال
– زيدي ذري من فوق كاوكاو أنا نحيت حوالي 2 ملاعق كبار معمرين مليح كاوكاو من اللي درت بيه الكاستال ذريهتم من فوق الكريمة
– زيدي ذري من فوق السكر الناعم بسخااااء لاخاطر الكريمة ضرك تشربو
إضغط هنا لرؤية الصورة بحجمها الطبيعي.
– قطعي الكاستال إلى قطع متساوية وحطيهم في كيسات وممكن تستهلك مباشرة بصح أنا نحب نخليه في الثلاجة ساعة قبل الاستهلاك
– هذه الكمية قطعتلي 15 حبة البلاطو نتاعي صغير شوية وثاني قطعت الحبات شوية كبار ، المفروض هذه الكمية تقطع 20حبة
وهذ
يعطيك الصحة يا الشاطرة ؤبصحتكم
أتمنى الأخوات يفيدوك
الكاستال
وصفة جديدة و بنينة و سااااهلة و نتيجة مرضيه
المقادير و التحضير
للعجينة
2 بيضات
200غ سكر ناعم
250 غ زبدة لابال دائبة
قرصة ملح
250 غ كوكاو مرحي رقيق و محمص اكيد
200غ شوكولا مذابة
من 450غ الى 500 غ فرينة
كيس خميرة حلويات
نبدى نضرب السكر و البيض جيدا تم الزبدة و نضرب كدلك تم الشوكولا و نستمر في الخلط
و من بعد نضيف الكاوكاو و نحرك
و اخيرا الخميرة و الفرينة حتى نتحصل على عجينة متماسكة متكونش يابسة و لا طرية
نقسمها الى 2 و نبسط كل جزء في سينية مدهونة ومرشوشة فرينة و نثقبها جيدا و نطيبها
لما نخرجها ننزعها من السينية برفق لانه تتفتت و تتكسر بسرعة و لما تبرد رح تيبس هدا عادي
و نطيب العجينة الاخرى هكا نتحصلو على طبقتين
الان الكريمة
ربما تستغربو لاني رح نستعمل زبدة مرغرين و مذابة في تحضير الكريمة لكن هدا هو السر اللي يخلي الكريمة تتماسك و يعطيها بنة هاايلة
تابعو…
400 غ زبدة توريق
كاس ماء +2 اصابع زايدة+200ع سكر
ندوبهم على نار هادة مدة 15 د حتى يثقل المزيج
نضرب 2 صفار بيض جيدا بالخلاط تم نضيف مزيج السكر و الماء و هو سخون على شكل خيط و نواصل التحريك على اعلى سرعة
و نواصل التحري حتى يبرد المزيج
نكونو ذوبنا 400 غ من المرغرين و تكون باردة تماما و نضيفها لخليط البيض و الشوكولا و نضرب باعلى سرعة
حتى نتحصل على الكثافة المطلوبة
نجيب الطبقة الاولى و نجط كمية مليحة من الكريمة و نزيد الطبقة التانية و نزين في الاخير باي نوع مكسرات متوفر
الكاستال في الاصل من فوق يزين ببقايا الحلوى اي الحواشي تتفتت و تنحط من فوق و نرشو عليه السكر الناعم
كل وحدة و ذوقها في التزيين و حسب اللي متوفر في البيت
و راهو بنفس ذوق الكاستال اللي يباع في المحلات بشاهدة من ذاقوه
و بالتوفيق لكل من ستجرب الوصفة
فقط دعوة ف
*400 غ كوكاو أو لوز بالقشور محمص و مرحي
*225 غ الى 250غ سكر قلاسي
*100 غ فرينة
*50 غ زبدة ستار
*بياض 7 بيض كالثلج
*فاني
*400 غ مارغرين لابال
*سكر قلاسي حسب لذوق(الحلاوة)
*فاني
=
في الخلاط الكهربائي نخلط الماغرين و السكر جيدا حتى يولي كريما
التحضير:
* نخلط الكوكاو +السكر+الفرينة مليح +زبدة و نخدمو مليح الخليط بكفوف اليدين (كيما البربوشة) و نضيفو البياض كالثلج و نخلط غير بشوية من الاسفل الى الاعلى
ثم نفرغ الخليط في بلاطو خاص بالبسكوي رولي مدهون بالزبدة و ندخلو للفرن يطيب على نار هادئة كيما السابلي حتى يجمد و يحمار غير شوية
نقلبو على لوحة و نخليه يبرد تماما ثم ندهن الوجه بكريمة الزبدة
و في هذا الوقت نخدمو الطبقة الثانية و كي تبرد تماما نحطوها فوق الطبقة الاولى و ندهنوها هي كذلك بالكريما ثم نقطع الحواشي و نفتتهم على الوجه ثم نكمل التزيين باللوز ايفيلي
و نخليه يبات ليلة كاملة باش يطرى و يجي ساهل فالتقطاع و الغدوة من داك نقطعوه مربعات
و ألف صحة و هنا
جربوه و ردولي الخبر
لا تنسوني بدعائكم لي
ربي يخليكم