طريقة صنع و تزيين التارت من مطبخي و بالصور 2024.

واش راكم
إن شاء الله لاباس

اليوم رايحة نشرحلكم بالصور طريقة صنع و تزيين التارت
و هاذي درتها لعيد ميلاد زوجي
ربي يحفظو و يعيشو ليا و الأولاد
أولا التارت فيها 2 قرصات ، مقادير القرص الواحد هي:
* 5 بيض
*125غ سكر عادي
*60غ فرينة
*65غ نشاء
*1 خميرة القاطو
*قشور الليمون

الطريقة:
في خلاط كهربائي نطلع بياض 5 بيضات+125 سكر كالثلج، بعد ذلك نضيف 5 صفار و نخلط بهدوء باش مايهبطش البياض+ **فرينة+نشاء+خميرة** مغربلين باش يدخل الهوا و نخلط برفق حتى نتحصل على خليط متجانس ثم نفرغه في مول مدهون بالزبدة و مرشوش بالفرينة و نطيبها مثل المسكوتة أي نار هادئة
و الفرن لا نفتحه أثناء الطهي و نتركها حتى تصبح ذهبية اللون و نخليها تبرد
*** نعيد الكرة و نخدمو القرصة الثانية و نخليوهم يبردو
بعد ذلك كل قرصة نقسمها على 2 من الوسط فبذلك نتحصل على 4 قرصات

تحضير الكريمة: بعيدا عن النار نخلط في كسرونة:
1 لتر حليب+6 صفار بيض+6 م ك نشاء+1 م ك زبدة+سكر عادي حسب الحلاوة "كل واحد يدير على حساب الذوق" ثم نضعها عل النار و نحرك لكي لا تلتصق حتى تصبح كثيفة ثم نبعدها عن النار و نضيف عصير و برش ليمونة و نتركها جانبا حتى تبرد

هاذي قبل النضج

و هاذي بعد ما خثارت و حطيتها تبرد

هنا زينت ب ورقات من حديقتنا

أتمنى أن ينال التارت إعجابكم
و لا تبخلوني بدعواتكم لي بالصحة و الهناء

و هنا أمين و هاني

سلام