طريقة روعة فتحضير المسمن والإحتفاظ به فالمجمد 2024.

هاد الطريقة غالياتي كنعتمدها بزاف فالمسمن،باش كيبقا متواجد عندنا واحد المدة معينة، من دون مانحتاج نعجنو كل نهار، وهاد الطريقة كتخليه يجي بحال ايلا طيبتيه النهار بنهارو، واخا كان فالمجمد،إليكن غالياتي المقادير والطريقة الخاصة.
بالنسبة للعجينكمية من الدقيق والسميد رقيق مخلطين -على الحساب لقياس اللي بغيتي تعجني-
ملح
قبصة خميرة الحلوى
طريف زبدة
زيت مخلط مع شوية خميرة لحلوى للتوراق
كنعجن العجين ديالنا و ندلكها مزيان،كيخصها تكون خفيفة
والباقي هاهو بالصور اللي كتشرح راسها

ل
هنا نطيبوها غير نص طيبة، منخليوهاش حتى تحمر، غير تشد راسها ونحيدوها

كنديروه فبلاستيك غدائي، ثم الى المجمد

وفي الصباح نطيبوالجهد اللي غادي نفطرو بيه، وهاهو الشكل ديالو حبيباتي، تيجي مورق وخفيف، كنتمنى تجربوه

روعة بارك الله فيك طريقة مليحة خاصة للضياف

طريقة جميلة وخفيفة الله يبارك فيك أرجو منك الاجابة اختي العزيزة
هل المكونات نخلطوها كامل على ضربة وحتى الطريف تاع الزبدة ؟
هادي ما فهمتش واش حبيتي تقولي؟ زيت مخلط مع شوية خميرة لحلوى للتوراق

شكرا احبيبتي على الرد
خلطي الكل حتى الزبدة ودلكيه مليح
والزيت وشوية الخميرة لحلوى دهني بيها المسمنة وديريها تطيب
اتمنى تكوني فهمتيني

الطريقة تهبل شكرا

ماشاء الله عليك رووووعة
و الله جات الطريقة ديالك في وقتها انا نعجز ندير لمسمن الصباح و هكذا نجبدو و نطيبو كاني درتو للتو
يعطيك الصحة لؤلؤة و لا تحرمينا من جديدك

شكرا اختي على الرد
حتى انا راني نعجز سيرتو كيجوا ضياف على غفلة مع العشية
معلي غير نجبد من المجمد يحسبو راني غير كيدرته